Prezıdenttiń qatysýymen memlekettik nagradalar men syılyqtar tapsyrýǵa arnalǵan saltanatty rásim bastaldy. Is-shara barysynda Qasym-Jomart Toqaev Respýblıka kúnimen quttyqtady, dep habarlaıdy Egemen.kz.
«Barshańyzdy elimizdegi eń ulyq mereke – Respýblıka kúnimen quttyqtaımyn! Bul – qazaqtyń san ǵasyrlyq memlekettilik dástúri jańǵyrǵan kún. Bul – bostandyq úshin kúresken babalar armany aqıqatqa aınalǵan kún. 1990 jyly 25 qazanda Qazaqstannyń egemendigi týraly deklarasııa qabyldandy. Bul qujat táýelsizdigimizdiń saıası-quqyqtyq negizin qalyptastyrdy. Bir sózben aıtsaq, Deklarasııa – elimizdiń táýelsizdik alýyna jol ashqan aqjoltaı qujat», dedi Memleket basshysy.