Memlekettik nagradalar men syılyqtar tapsyrýǵa arnalǵan is-shara kezinde Qasym-Jomart Toqaev osyndaı bastama kóterdi, dep habarlaıdy Egemen.kz.
«Babalarymyz bostandyqqa qol jetkizý úshin kúresti. Bizdiń býyn egemen eldiń negizin qalap, tuǵyryn bekitý úshin qyzmet etip júr. Al, endigi urpaq qasterli táýelsizdigimizdi kózdiń qarashyǵyndaı saqtaý úshin eńbek etýge tıis. Bir sózben aıtsaq, biz buǵan deıin memlekettiligimizdi nyǵaıtýǵa basa mán berdik.
Endi azamattardyń memleketshildik sana-sezimin arttyrýǵa da jete kóńil bólýimiz kerek. Osydan birneshe jyl buryn «Tulpar minip tý alǵan» jalpyulttyq estafetasy ótkenin bilesizder. Astanadan Túrkistanǵa deıin jalǵasqan «Uly Dala joryǵy» atty alaman báıgege búkil el kóz tikti», dedi Prezıdent.
Budan bólek, ol jaqynda Amanat partııasynyń «Jastar rýhy» qanatynyń bastamasymen «Meniń elim – meniń týym» atty aksııa bastalǵanyn sóz etti.
«Munyń bári – eldik rýh pen ulttyq ustanymdy urpaqtyń sanasyna sińirýge arnalǵan mańyzdy jobalar. Biz jastardy otanshyldyqqa baýlıtyn osyndaı utymdy ádis-tásilderdi izdeýimiz kerek. Elimizde mundaı mysaldar kóp. Bul saladaǵy eń ozyq tájirıbeni halyq arasynda keńinen dáripteýimiz kerek. Ulttyq merekemiz – Respýblıka kúni ónegeli bastamalar arqyly jalpyhalyqtyq meıramǵa aınalady dep senemin», dedi Qasym-Jomart Kemeluly.