Respýblıka kúnine oraı Shymkent qalalyq polısııa departamentinde saltanatty jıyn uıymdastyryldy. Merekelik is-shara departament basshylyǵy, jeke quram qyzmetkerleri, polıseılerdiń analary men №4 balalar úıi basshysynyń qatysýymen ótti. Saltanatty jıynda qyzmette erekshe kózge túsken 70-ten asa polıseıdiń anasy «Úzdik ofıserdiń anasy» medalimen marapattaldy.
Departament bastyǵynyń atynan barlyǵy 73 anaǵa «Úzdik ofıserdiń anasy» medali taǵaıyndalsa, 10 polıseıdiń anasyna general Qaırat Dálbekov marapatty óz qolymen tapsyrdy. Osyndaı marapatqa ıe bolǵandardyń biri – №4 balalar úıiniń dırektory Nursáýle Tastybaeva. Onyń qamqorlyǵyndaǵy 3 tárbıelenýshi – IIM Qaraǵandy joǵary mektebiniń kýrsanty.
Sondaı-aq polısııa leıtenanty Aqjan Altynbek, polısııa aǵa leıtenanty Erlan Janysbaev, polısııa kapıtandary Batyıhan Pernebaı men Elaman Abdýalıev esimdi batyr polıseılerdiń, álemdik polısııa oıyndarynyń birneshe dúrkin chempıondary polısııa maıory Ǵalymjan Katbaev pen polısııa kapıtany Damır Tashanov syndy sportshy-polıseılerdiń analaryna arnaıy medal tabystaldy.
«Araǵa 13 jyl ýaqyt salyp sizdermen birge Respýblıka kúnin atap ótý baqyty buıyrypty. Osy sátti paıdalana otyryp, Shymkent qalasy Polısııa departamentiniń qalyptasyp, damýyna zor úles qosqan ańyz adam, mılısııa general-maıory Qulahmet Qalmenovtiń eńbegi jaıynda aıta ketken jón. Ol eń qıyn shaqtarda ońtústiktegi polısııa salasyna 12 jyl tabandylyqpen basshylyq etti. Qazirgi tańda qatarymyzda atalǵan nar tulǵanyń izimen kele jatqan qyraǵy saqshylarymyz jeterlik. Biz olarmen árqashan maqtanamyz. Sonymen qatar bizdiń jumysymyzdaǵy árbir jetistiktiń artynda departamenttiń jeke quram qyzmetkerleriniń úlken eńbegi jatqanyn atap ótkim keledi. Barshańyzǵa janqııarlyq eńbekterińiz úshin alǵys aıta otyryp, baq-bereke, densaýlyq, qajyrly qyzmette bıik jeńister tileımin!», dedi departament bastyǵy, polısııa general-maıory Qaırat Dálbekov.
Sondaı-aq Respýblıka kúniniń qurmetine qyzmettik mindetterin adal atqaryp, jumysta joǵary nátıjelerge qol jetkizgeni úshin 60-tan asa polısııa qyzmetkeri alǵysqa bólendi. Ishki ister mınıstri Marat Ahmetjanovtyń buıryǵymen polısııa departamentiniń 15 qyzmetkeri marapattaldy. Onyń ishinde polısııa podpolkovnıgi Maksım Sıdorovtyń sheni bir saty joǵarylady.
Aıta ketý kerek, bıyl el Prezıdenti Qasym Jomart Toqaev Ulttyq quryltaıdyń birinshi otyrysynda Respýblıka kúnine ulttyq mereke mártebesin qaıtarýdy usynǵan edi. Osyǵan oraı eldigimiz ben egemendigimizdi bildiretin aıtýly kún Parlamentte bekitildi.
Merekelik is-shara sońynda estrada ánshileriniń qatysýymen dýmandy konsert uıymdastyryldy.
ShYMKENT