2022 jyldyń 14 qazanynda Astanada Memleket basshysy Qasym-Jomart Toqaevtyń tóraǵalyǵymen TMD memleketteri basshylary keńesiniń kezekti otyrysy ótken edi, dep habarlaıdy Egemen.kz.
Otyrys aıasynda prezıdentter Táýelsiz Memleketter Dostastyǵyna qatysýshy memleketterdiń sybaılas jemqorlyqqa qarsy is-qımyldaǵy yntymaqtastyǵy týraly kelisimge qol qoıdy.Atalǵan qujat 2008 jyly ázirlengen. Biraq tek 2022 jyly taraptar joǵary deńgeıde qol qoıýǵa kelisti.«Kelisimniń qoldanylýy sybaılas jemqorlyq týraly qylmystyq ister boıynsha járdem kórsetýge, sybaılas jemqorlyqqa qarsy kúresti kúsheıtýge yqpal etetin úılestirilgen jáne kelisilgen izdestirý is-sharalaryn jáne basqa da sharalardy júrgizýge múmkindik beredi», delingen ANTIKOR habarlamasynda.