Búgin «Qazmedıa» ortalyǵynda «URKER-2022» Ulttyq báıgesiniń jeńimpazdaryn marapattaý saltanatty sharasy ótti, dep habarlaıdy Egemen.kz.
Marapattaý rásiminiń aldynda BAQ salasynyń ardagerleri, tilshiler qaýymy men is-shara qonaqtary qyzyl kilemmen júrip ótti.
Aıta ketsek, Ulttyq syılyq jýrnalısterge baspa, radıo, ınternet-jýrnalıstıka salasyndaǵy úzdik jetistikteri úshin beriledi. Sondaı-aq atalǵan syılyq elimizde mýltımedıalyq jýrnalıstıkany damytýǵa yqpal etý, jýrnalıstıka mártebesin arttyrý, kásibı standarttar men krıterıılerdi bekitý, qoǵamnyń azamattyq belsendiligin arttyrýǵa baǵyttalǵan.
Bıyl baıqaý 13 nomınasııa boıynsha ótkizilip, 52 nomınant irikteldi.
Úzdikterdi arnaıy qurylǵan komıssııa anyqtady. Komıssııa quramyna elimizdiń medıa salasynyń damýyna eleýli úles qosqan tanymal medıa menedjerler, jýrnalıster, qoǵam qaıratkerleri kirdi. Jeńimpazdarǵa 1 000 000 teńge jáne arnaıy estelik músinshe tabystaldy.
Osylaısha,
«Jyldyń úzdik suhbaty» nomınasııasynyń jeńimpazy - Aıa О́mirtaı – Halyq-uni.
«Jyldyń úzdik reportajy» nomınasııasynyń jeńimpazy - Anar Qonys – Aikyn.kz.
«Áleýmettik taqyryptaǵy úzdik materıal» nomınasııasynyń jeńimpazy - Naıma Nuráli – Halyq-uni.kz.
«Jyldyń úzdik jýrnalıstik zertteýi» nomınasııasynyń jeńimpazy - Qazbek Quttymuratuly – «Egemen Qazaqstan» respýblıkalyq gazeti.
«Jyldyń úzdik analıtıkalyq materıaly» nomınasııasynyń jeńimpazy - Valentına Qozybaqova – «Mańǵystaý» gazeti.
«Halyqaralyq taqyryptaǵy úzdik materıal» nomınasııasynyń jeńimpazy - Sáýle Isabaeva – Qmonitor.kz.
«Jyldyń úzdik jańalyqtar portaly» nomınasııasynyń jeńimpazy - Zakon.kz.
«Radıostansııadaǵy úzdik joba» nomınasııasynyń jeńimpazy - «Oı-túıin» – Qazaq radiosy.
«Jyldyń úzdik fotosýreti» nomınasııasynyń jeńimpazy - Meıirbek Tajkýranov – Zakon.kz.
«Úzdik óńirlik BAQ» nomınasııasynyń jeńimpazy - «Saryarqa samaly» gazeti.
Sondaı-aq Batyr Qazybaev atyndaǵy arnaıy premııa ıegeri - Áıgerim Begimbet – Ernur.kz.
Ahmet Baıtursynov atyndaǵy arnaıy premııa ıegeri - «Qyrǵyz ádebıeti» jobasy – «Tań-Sholpan» jýrnaly.
Sherhan Murtaza atyndaǵy arnaıy premııa ıegeri - Qalı Sársenbaı – «Ana tili» gazeti.
Baıqaý uıymdastyrýshylary – Aqparat jáne qoǵamdyq damý mınıstrligi jáne «Medıa damytý qory» korporatıvtik qory. Is-sharanyń demeýshileri – «Qazaqstan» RTRK jáne «Habar «Agenttigi» AQ.