Seýlde qysym kezinde zardap shekken qazaqstandyqtar týraly aqparat túsken joq, dep habarlaıdy Egemen.kz QR SIM baspasóz qyzmetine silteme jasap
«Seýl qalasynda bolǵan qaıǵyly oqıǵanyń saldarynan sońǵy málimetter boıynsha 151 adam qaza taýyp, 82 adam zardap shekti. Qazirgi ýaqytta zardap shekken Qazaqstan azamattary týraly aqparat túsken joq», delingen QR SIM habarlamasynda.
Vedomstvonyń aqparaty boıynsha, QR Koreıa Respýblıkasyndaǵy Elshiliginiń Konsýldyq bólimi táýlik boıy jumys rejımine aýystyryldy. Sondaı-aq Koreıalyq quzyretti organdarmen turaqty baılanysta bolatyn jedel shtab quryldy. Dıplomattar konsýldyq esepte turǵan qazaqstandyqtardy shaqyrady.