Shotlandııaǵa sapar shegedi

Qazaqstannyń tennısshileri S tobynda óner kórsetedi. Qar­sylastarymyz – Ispanııa men Ulybrıtanııa quramalary. Bul komandalardyń ekeýi de azýly. Pıreneı túbeginiń ókilderi atalǵan jarysta bes márte (1991, 1993, 1994, 1995, 1998 jyldary) top jaryp, alty ret (1989, 1992, 1996, 2000, 2002, 2008) fınalda oınady. Qazirgi kezde bul memlekettiń tórt oıynshysy TOP-100-diktiń qata­rynda. Solardyń arasynan Gar­bıne Mýgýrýsa men Paýla Badosany bóle-jara ataýǵa bolady. 29 jastaǵy Garbıne 2016 jyly Rolan Garrosta aldyna jan salmady. 2017 jyly Ýımbldonda dara shyqty. 2021 jyly WTA-nyń qorytyndy týrnırinde top jaryp, 10-nan asa iri halyqaralyq jarysta qarsylas shaq keltirmedi. Osy tabystarynyń arqasynda ol kezinde álemniń birinshi raketkasy atandy.  

Kelesi aıdyń bel ortasynda 25 jasqa tolǵaly otyrǵan Paýla Badosa WTA reıtınginde 4 orynda tur. Byltyr ol Rolan Garrostyń shırek fınalyna shyqsa, bıyl Aýstralııanyń ashyq birinshiliginiń tórtinshi kezeńine deıin jetti. Al 26 jastaǵy Sara Sorrıbes-Tormo úzdikter tizminde 72 orynǵa turaqtasa, 31 jastaǵy Nýrııa Parrızas-Dıas 76 satyǵa jaıǵasty.  

Tumandy Albıon burym­dylary osy kúnge deıin Bıllı Djın Kıng kýbogyn birde-bir ret oljalaǵan joq. Esesine olar tórt ret fınalǵa shyqty. Sheshýshi tusta ulybrıtanııalyqtar AQSh (1967, 1981), Aýstralııa (1971) jáne OAR quramalaryna (1972) ese jiberdi. Atalǵan memlekettiń búgingi tańdaǵy maqtanyshy – Emma Radýkaný. Byltyr ol AQSh-tyń ashyq birinshiliginde aıdy aspanǵa bir-aq shyǵaryp, bas júldeni jeńip alǵan edi. Dál osy jarys bastalatyn kúni 20 jasqa tolatyn Radýkaný bul kúnderi WTA reıtınginde 70 oryndy qanaǵat tutýda. Al bıyl jazda ǵana ol TOP-10 tennısshiniń sanatyna engen. О́kinishke qaraı, sońǵy kezderdegi súreńsiz oıy­nynyń saldarynan tómenge qul­dılaýda. Ulybrıtanııa qura­myndaǵy taǵy bir beldi oıynshy ol – Herrıet Dart. 26 jastaǵy Dart úzdikter tiziminde 86 satyǵa turaqtady.

Al ózge toptarda myna komandalar óner kórsetedi: A toby – Shveısarııa, Kanada jáne Italııa. V toby – Aýstralııa, Slovakııa jáne Belgııa. D toby – Chehııa, AQSh jáne Polsha.

О́tkenge zer salsaq, atal­ǵan jarys 1963 jyldan beri uıym­dastyrylyp keledi. Buryndary ol Federasııa kýbogy dep ataldy. 2020 jyly bul doda Bıllı Djın Kıng kýbogy degen ataýǵa ıe boldy. Kıng kezinde álemniń birinshi raketkasy bolyp, «Úlken dýlyǵa» sanatyndaǵy jarystarda 39 ret jeńimpaz atanǵan. Tarqatyp aıtsaq, jekelegen saıysta – 12, juptyq básekede – 16 jáne mıkste – 11 ret top jardy. Federasııa kýbogyn jeti márte tóbesine kóterdi. Keıinnen AQSh quramasynyń bas bapkeri retinde atalǵan dodada úsh jáne Olımpııa oıyndarynda eki ret bas júldeni oljalady. Bıllı Djın áıgili tennısshi bolýymen qosa, sporttaǵy áıelderdiń teńdigi úshin kúresti. Sondaı-aq ol WTA uıymy qurylýynyń altyn bastaýynda turdy.

Bıllı Djın Kıng kýbogyn eń kóp oljalaǵan komanda – AQSh quramasy. Amerıkalyqtar 18 ­ja­rysta jeńiske jetti. Chehııa men Chehoslovakııany qosa alǵanda olar 11 márte bas júldeni ıelen­di. Aýstralııa jeti ret top jarsa, Ispanııa men Reseı bes retten dara shyqty. Sondaı-aq Italııa – 4, Fransııa – 3, Germanııa – 2, Belgııa, Slovakııa jáne OAR 1 márte teńdessiz dep tanyldy. Soń­­ǵy týrnırde Reseı quramasy aldyna jan salmady. 2021 jyly Chehııanyń astanasy Pragada ót­ken jarystyń fınalynda olar Shveısarııany 2:0 esebimen utty.

Jekelegen oıynshylar arasynda atalǵan týrnırde eń kóp oljaǵa kenelgen – Krıs Evert. AQSh-tyń áıgili tennısshisi segiz jarystyń bas júldesin ıelendi. Everttiń otandastary – Rozamarı Kasals pen Bıllı Djın-Kıng je­ti ret ozsa, chehııalyq Petra Kvı­tova men Barbora Strysova alty márte dál sondaı qurmetke bólendi.

Qazirgi kezde áıelder arasyn­daǵy álemdik reıtıngte Aýstra­lııanyń arýlary jeke-dara kósh bastap tur. Olar 1002,71 upaıdy enshileýde. Odan keıingi oryndarǵa Fransııa (885,6), Ispanııa (884,62), Chehııa (842,92), Shveısarııa (881,81), Kanada (780,09), AQSh (758,09), Slovakııa (744,23), Qazaqstan (704,75) jáne Germanııa (702,52) quramalary jaıǵasty.