Er adam garajda 120 keliden astam balyq pen esirtki saqtaǵan, dep habarlaıdy Egemen.kz.
«Polıseıler «Brakoner» jedel-aldyn alý sharasy barysynda esirtki men bekire balyqtaryn zańsyz saqtaǵan úsh adamdy anyqtady. Olardyń biriniń garajyn tintý kezinde salmaǵy 101 keli balyq, bekire tuqymdas balyqtan 20 keli, 7 dana kóleminde esirtki zattary tabyldy. Kúdiktilerdiń biriniń garajynan 5 motorly qaıyq pen tirkelmegen qos aýyzdy 16-kalıbrli sholaq myltyq tabylyp, tárkilendi. Ustaýǵa Atyraý oblysy IID ekstremızmge qarsy kúres basqarmasynyń jáne №1 qalalyq bólimniń polısııa qyzmetkerleri qatysty», dep habarlady oblystyń PD baspasóz qyzmeti.
1981, 1984 jáne 1976 jyly týǵan úsh kúdiktige qatysty bultartpaý sharasy tańdalyp, Qazaqstan Respýblıkasy Qylmystyq kodeksiniń 339-babynyń 1-bóligine, 296 baptyń 2-bóligine sáıkes sotqa deıingi tergeý amaldary júrgizilýde.