Ázerbaıjannyń bas shahary – Bakýde ótip jatqan Grand Slam týrnırinde qazaqstandyq dzıýdoshylardyń qorjynyna ázirge birde-bir medal túsken joq.
Asa jeńil salmaqtaǵy Baýyrjan Narbaev tusaýkeser kezdesýinde súrinse, Sherzod Davlatov ekinshi aınalymnan asa almady. 66 kılo salmaqta saıysqa túsken Ǵusman Qyrǵyzbaev mońǵolııalyq Narmandah Baıanmuńh pen grýzııalyq Georgıı Týtashvılıdi jolynan yǵystyrǵanymen, moldovalyq Denıs Vıerý men ıspanııalyq Davıd Garsııa Tornege áli jetpedi. Nátıjesinde, Ǵusman jetinshi oryndy qanaǵat tutty. 73 kılo salmaqtaǵy Danııar Shamshaevqa erekshe senim artylǵan edi. Biraq ol úshinshi kezeńde ózbekstandyq Mýrodjon Iýldashevtan óte almady. Sol sekildi Almas Ǵalymov (66 kılo) pen Abylaıhan Jubanazar (81 kılo) da artylǵan senimdi aqtamady.
Áıelder arasyndaǵy jarysta jerlesterimiz tym nashar óner kórsetýde. Osy kúnge deıin burymydar bes salmaq dárejesi boıynsha túrli-tústi júldelerdi sarapqa salsa, sonyń birde-bireýinde qazaqstandyqtar alǵashqy aınalymnan aspady.