Prezıdent Qasym-Jomart Toqaev Mańǵystaý oblysynyń jurtshylyǵymen kezdesýinde ıtbalyqtar men balyqtardyń jappaı qyrylýyn anyqtaý úshin Kaspıı teńiziniń aıdyny men jaǵalaýynda zertteý jumystaryn turaqty júrgizý kerektigin aıtty, dep jazady Egemen.kz.
Memleket basshysy ol úshin úkimet ókiletti organdardy teńizde jumys isteýge qajetti materıaldyq-tehnıkalyq quraldarmen qamtamasyz etýge tıistigin jáne Kaspııde zańsyz balyq aýlaýdyń jolyn kesý qajettigin atap ótti.
«Brakonerler balyqtyń kóbeıýine kesirin tıgizip, teńizdiń ekojúıesine zardap keltirip jatyr. Kaspıı teńiziniń tartylýy – aıryqsha ózekti máseleniń biri. Teńiz deńgeıi 2005 jyldan beri bir metrden asa tómendep ketkenine bárimiz kýámiz. Sýdyń tartylý sebebi men onyń saldaryn jan-jaqty zertteý kerek. Osy oraıda, Kaspıı teńizin zertteýmen aınalysatyn memlekettik ǵylymı ınstıtýt qurǵan jón dep esepteımin. Sondaı-aq, Úkimet Kaspıı jaǵalaýynda ornalasqan ózge memleketterdegi áriptesterimen tyǵyz jumys isteýi kerek», dep túıindedi Prezıdent.