Búgin Shotlandııanyń Glazgo qalasynda tennısten áıelder arasyndaǵy Bıllı Djın Kıng kýbogynyń fınaldyq saıystary bastalady.
Álemniń eń úzdik 12 komandasynyń qatysýymen ótetin dástúrli jarysta jerlesterimiz alǵash ret baq synamaq. Qazaq eli qurama komandasynyń sapynda Elena Rybakına, Iýlııa Pýtınseva, Anna Danılına jáne Jibek Qulambaeva syndy burymdylar bar. Bizdiń qyzdar S tobynda óner kórsetedi. Qyzdarymyz tusaýkeser kezdesýlerin búgin Ulybrıtanııamen qarsy ótkizedi. Erteń Ispanııamen sheberlik baıqasady. 10 qarashada qarsylastarymyz ózara kúsh synasady. О́zge toptarda myna komandalar baq synaıdy: A toby – Shveısarııa, Kanada jáne Italııa. V toby – Aýstralııa, Slovakııa jáne Belgııa. D toby – Chehııa, AQSh jáne Polsha. Ár toptyń úzdik komandalary jartylaı fınalǵa joldama alady. Al atalǵan jarystyń jeńimpazy 13 qarasha kúni anyqtalady.
Al WTA-nyń qorytyndy týrnırinde brazılııalyq Beatrıs Haddad-Maııamen juptasyp óner kórsetken Anna Danılına úshinshi oıynda Elena Kıchenok (Ýkraına) pen Elena Ostapenkoǵa (Latvııa) 7:6, 4:6, 8:10 esebimen ese jiberdi. Sóıtip, olar úshin AQSh-taǵy jarys sátsiz aıaqtaldy.