Bul týraly Memleket basshysy Atyraý oblysynyń jurtshylyǵymen kezdesýinde málimdedi, dep habarlaıdy Egemen.kz.
«Jaıyq jáne Qıǵash ózenderiniń tartylýy kúrdeli másele bolyp otyr. Qazir eki ózenniń saǵasyndaǵy sýdyń tereńdigi – nebári 30-40 santımetr. Bul jaǵdaı bekireniń ýyldyryq shashýyna kedergi keltirýde. Sondyqtan, Úkimet osy ózenderdiń saǵasyn tereńdetýdi qamtamasyz etýge tıis.
- Quzyrly mekemeler balyq qoryn saqtaý úshin brakonerlermen kúresti kúsheıtýi kerek. Bıyldyń ózinde oblysta osyǵan qatysty 2,5 myń ákimshilik jáne 52 qylmystyq is qozǵaldy. Zańsyz aýlanǵan 14 tonna balyq tárkilendi. О́kinishke qaraı, osyndaı zańsyzdyq tyıylmaı tur. Bul – tabıǵatty qorǵaýǵa jaýapty organdardyń jumysynda olqylyqtar bar degen sóz», - dedi Prezıdent.