Semeı qalasynda kólik nómirin qaǵazdan jasap alǵan júrgizýshi ustaldy, dep habarlaıdy Egemen.kz IIM resmı paraqshasyna silteme jasap.
Oblys ortalyǵyndaǵy kóshelerdiń birinde birtúrli kólik nómirlerin baıqaǵan turǵyndar @_osa_semey qoǵamdyq saıtyna onyń fotosyn jibergen. Abaı oblysynyń Polısııa departamenti kólik ıesin anyqtap, oǵan ákimshilik hattama toltyrdy. Semeı qalasynyń turǵyny kóligine qaǵazdan memlekettik nómir jazyp alǵan.
«Atalǵan fakti boıynsha «Daewoo NEXIA» kóliginiń júrgizýshisi 28 jastaǵy kásipker ustalǵan. Qazaqstan Respýblıkasynyń ákimshilik quqyq buzýshylyq 590-baby 2-bóligi «Memleketik tirkeý nómirlik belgileri (belgisi) joq nemese ony paıdalanýǵa tyıym salynǵannan keıin nemese belgilengen tártippen tirkelmegen kólik quralyn basqarý» boıynsha ákimshilik hattama toltyryldy», dep jazdy IIM resmı paraqshasy.