Keshe short-trekten Qazaqstannyń ulttyq qurama komandasyn jankúıerler, federasııa qyzmetkerleri, týǵan-týystary Astananyń Halyqaralyq áýejaıynan gúl shoqtarymen kútip aldy.
Rasynda da, osy sport túrin serik etken jigitterimiz ondaı qurmetke laıyq ekeni daýsyz. Kúni keshe ǵana Kanadanyń Monreal qalasynda aıaqtalǵan Álem kýboginiń kezeńdik saıysynda olar úsh júlde jeńip aldy. Atap aıtsaq, Abzal Ájiǵalıev pen Denıs Nıkısha 5 000 metrlik qashyqtyqta kúmis alsa, Ádil Ǵalıahmetov 1 000 metrlik básekede qolaǵa qol sozdy. Al onyń aldynda ǵana AQSh-tyń Solt-Leık-Sıtı qalasynda Qazaqstan quramasy 5 000 metrlik estafetalyq saıysta máre syzyǵyn ekinshi bolyp qıyp ótken edi.
Short-trek sheberleriniń dúbirli dodalary endi ǵana qyzyp jatyr. Keshe dál sol Solt-Leık-Sıtıde taǵy bir baıraqty báseke bastaldy. «Tórt qurlyqtyń týrnırinde» qazaqstandyqtar da el namysyn qorǵaýda.