Astanadaǵy №2 KQA akýsherlik blogynda salmaǵy 5075 gramm, boıy 58 santımetr bala dúnıege keldi, dep habarlaıdy Egemen.kz. Bul jańalyqty elorda ákimdiginiń resmı saıty jarııalady.
Dárigerler pasıenttiń júkti áıelder patologııasy bólimine túskenin aıtady.
«Júktiliktiń 41-aptasynda tolǵata bastap, keıin bosaný blogyna aýystyryldy. Bosaný jospary Dıananyń densaýlyǵyn eskere otyryp, konservatıvti túrde boldy. Tabıǵı jolmen bosandy. Dıananyń bul úshinshi sábıi, aldyńǵy sábıleri de 4500, 4600 grammmen iri bolyp dúnıege kelgen. Anasy da, bala da ózderin jaqsy sezinedi», deıdi akýsher-gınekolog dáriger Dınara Baızaqqyzy Izdıbaeva.
Dárigerlerdiń aıtýynsha jańa týǵan náresteniń qalypty salmaǵy jynysyna baılanysty. Máselen, uldar úshin 3 400-3 500 gramm, boıy 44,2–55,66 santımetr, qyzdar úshin – 3 200-3 400 gramm, boıy 43,6–54,7 santımetr bolady Ortasha qalypty balanyń salmaǵy 2500-den 4500 gramǵa deıin qalypty dep sanalady.