Memleket basshysy Qasym-Jomart Toqaevtyń Almaty qalasy jurtshylyǵymen kezdesýinde mańyzdy máseleler aıtylyp jatyr, dep jazady Egemen.kz.
Prezıdent óz sózinde qorshaǵan orta azamattardyń densaýlyǵy men ómir súrý uzaqtyǵyna tikeleı áser etetinin atap ótti.
-Sondyqtan ekologııa máseleleri árqashan meniń nazarymda. Almatylyqtar aýanyń lastanýynyń joǵary deńgeıine qatty alańdaıtynyn bilemin. Bul másele qala turǵyndary úshin eń mańyzdylarynyń biri sanatyna ótti jáne dereý sheshýdi talap etedi, - dedi Q.TOqaev.
Memleket basshysy atap ótkendeı, jyl saıyn atmosferaǵa lastaýshy zattar shyǵaryndylarynyń kólemi shamamen 125 myń tonnany quraıdy. Negizgi kózder - avtokólik (55%), qalalyq JEO jáne ónerkásiptik kásiporyndar (35%), sondaı-aq gazdandyrylmaǵan jeke úıler (shamamen 10%) qurap otyr. Sondyqtan jol-kólik júıesiniń tıimdiligin arttyra otyryp, qala ekologııasyn aıtarlyqtaı jaqsartýǵa bolady.
- Jańa tehnologııa men aqyldy trafıktiń arqasynda azamattardyń utqyrlyǵy qorshaǵan ortaǵa teris áser etpeıdi. Ákimdik qalada, eń aldymen ónerkásiptik kásiporyndarda ekologııalyq qaýipsizdik normalarynyń saqtalýyn qatań qadaǵalaýǵa tıis. JEO-2 jáne JEO-3-ti gazǵa aýystyrý zııandy shyǵaryndylar deńgeıin on eseden astam tómendetýge múmkindik beredi, - dedi Qasym-Jomart Kemeluly.