Jyl basynan beri qazaqstandyqtarǵa múgedektik jáne asyraýshysynan aıyrylý boıynsha 364 mlrd teńgeden astam járdemaqy tólendi, dep habarlaıdy Egemen.kz Eńbek jáne halyqty áleýmettik qorǵaý mınıstrliginiń baspasóz qyzmetine silteme jasap.
Osylaısha, 2022 jylǵy qazan aıynda respýblıkalyq bıýdjetten múgedektigi boıynsha memlekettik áleýmettik járdemaqy tóleýge 28,3 mlrd teńge, asyraýshysynan aıyrylý jaǵdaıy boıynsha – 8,4 mlrd teńge bólindi.
Búgingi tańda múgedektik boıynsha memlekettik áleýmettik járdemaqy alýshylardyń sany 530,8 myń, asyraýshysynan aıyrylý jaǵdaıy boıynsha 171,7 myń adamǵa jetti.
«Múgedektigi jáne asyraýshysynan aıyrylý jaǵdaıy boıynsha memlekettik áleýmettik járdemaqylardyń mólsheri múgedektik tobyna jáne sebebine, qaıtys bolǵan (qaza tapqan) asyraýshynyń asyraýyndaǵy adam sanyna, sondaı-aq tıisti qarjy jylyna arnalǵan «Respýblıkalyq bıýdjet týraly» zańda belgilenetin eń tómengi kúnkóris deńgeıine baılanysty bolady», delingen vedomstvo habarlamasynda.
Qazirgi ýaqytta múgedektigi boıynsha tólenetin memlekettik áleýmettik járdemaqynyń ortasha mólsheri 53 364 teńge, asyraýshysynan aıyrylý jaǵdaıy boıynsha tólenetin járdemaqy – 48 877 teńgeni qurady.