McDonald's óziniń Qazaqstandaǵy barlyq qalasyndaǵy meıramhanalarynyń jumysyn ýaqytsha toqtatady, dep habarlaıdy Egemen.kz.
«Qazaqstandaǵy McDonald's 18 qarashadan bastap jergilikti jetkizýshilerdiń jumysyndaǵy shekteýlerge baılanysty óziniń barlyq meıramhanalarynyń jumysyn ýaqytsha toqtatady. Kompanııa jumysty tezirek qalpyna keltirý úshin bar kúshin salýda. Meıramhanalardyń ashylý merzimi týraly keıinirek habarlanatyn bolady», delingen habarlamada.
Aıta keteıik, atalmysh kompanııanyń meıramhanalary Qazaqstannyń birneshe qalasynda bar. Atap aıtsaq Almaty, Astana, Atyraý, Aqtóbe, Qostanaı, Qaraǵandy qalalarynda 24 meıramhana 2000-ǵa jýyq adamdy jumyspen qamtamasyz etip otyr .