Qostanaıda byltyr qarasha aıynda ashylǵan ulttyq sadaq atý mektebiniń shákirtteri áýelde «Naýryz» shaǵyn aýdanyndaǵy turǵyn úılerdiń biriniń jertólesinde jattyǵyp júrgen. Balalarǵa jebe tartýdyń erejesi men mergendiktiń qyr-syryn úıretip júrgen Aıaýlym Appazova – sadaq tartýdan el chempıony, talaı halyqaralyq jarystarǵa qatysyp, joǵary nátıjege qol jetkizip júrgen tájirıbeli sportshy.
О́kinishke qaraı, áý basta keleshegi zor kóringen mektep jyl ótpeı kóldeneń kedergilerge ushyrap, qıyn jaǵdaıǵa dýshar bolyp otyr.
– Osy jyly aqpan aıynan bastap biz jattyǵyp júrgen jertóleni birneshe ret sý basyp, sadaq-jebelerimiz, nysana iletin taqtalarymyz sý bolyp qaldy. Sodan keıin ol ǵımarattan kóshýge týra keldi. Qostanaıda kommersııalyq ǵımarattardy jaldaý aqysy óte qymbat. Mysaly, qalada bos turǵan qoıma ǵımarattarynyń bir sharshy metriniń quny 2 500 teńgeden bastalady. Sadaq tartý úshin aýdany kem degende 200 sharshy metr bolatyn ǵımarat kerek, ıaǵnı ǵımarat jaldaýǵa aı saıyn 500 myń teńge qajet. Osylaısha, tyǵyryqqa tirelip otyrmyz, – deıdi Aıaýlym.
Sport úıirmesine qatysyp júrgen balalar qyrkúıekke deıin «Naýryz» shaǵyn aýdanyndaǵy jertólede jattyǵyp kelgen. Qolaısyz ǵımarattan birjola kóshken soń, jattyǵý ótkizetin oryn tappaı qınalǵan Aıaýlym Appazovaǵa qala ımamy kómek qolyn sozyp, meshit janynan salynyp jatqan qurylysy bitpegen qatymhana ǵımaratyn ýaqytsha paıdalanýǵa ruqsat etipti.
Qazir sadaq atý mektebiniń 20 shaqty shákirti osy jerde jattyǵyp júr. Jylý júıesi joq ǵımarattyń ishi tastaı sýyq.
Aqyly mektepke baryp júrgen balalardyń árqaısysy bertinge deıin aıyna 10 myń teńge tólep kelgen. Alaıda taıaýda úıirme aqysy 15 myń teńgege deıin ósipti. О́ıtkeni shákirtterden jınalǵan qarjy ǵımarat jaldaý men qajet buıymdardy satyp alýǵa ázer jetedi. Mysaly, qazir bir nysananyń ózi 15 myń teńge turady, onyń ózi eki aptadan keıin shuryq-shuryq tesilip, jaramsyz bolyp qalady eken.
Sadaq atý mektebine memleket nemese demeýshiler tarapynan eshqandaı qoldaý kórsetilmeıdi. Uıymdastyrý jumystarynyń bárin jattyqtyrýshy ózi sheshedi. Taıaýda mektep shákirtteri jyly ǵımaratqa kóshedi eken degen jyly habar estidik.
– Bıyl biraz qıyndyqty bastan keshirdik. Dese de soǵan qaramastan kóp is tyndyrdyq. Osy ýaqyt aralyǵynda shákirtterim sadaq tartý óneriniń qyr-syryn meńgerip, nysanaǵa dál tıgizýdi úırenip qana qoımaı, aldyna naqty maqsat qoıa biletin, ózine-ózi senetin derbes adam retinde qalyptasyp úlgerdi. Osynyń bári bizge úlken kúsh berdi. Qazirgi zamanda aldyńdy boljaý qıyn ǵoı, biraq men osy mekteptiń jabylyp qalmaýy jolynda bar kúsh-jigerimdi jumsaýǵa daıynmyn, – deıdi jattyqtyrýshy.
Qostanaı oblysy