Búgin Ortalyq kommýnıkasııalar qyzmetinde ótken brıfıngte Densaýlyq saqtaý vıse-mınıstri – Bas memlekettik sanıtarııalyq dáriger Aıjan Esmaǵambetova eldegi epıdemııalyq jaǵdaı týraly aıtty, dep habarlaıdy Egemen.kz.
Bas sanıtarııalyq dárigerdiń aıtýynsha qazir elimizde koronavırýs ınfeksııasy boıynsha epıdemıologııalyq jaǵdaı turaqty. Barlyq óńirler «jasyl» aımaqta. Táýligine koronavırýstyń 70-ke deıin jaǵdaıy tirkeledi. Naýqastardyń 99 paıyzy emdelgen.
«Qazirgi ýaqytta jiti resperatorlyq vırýstyq ınfeksııa men tumaýdyń epıdemııalyq maýsymy bastaldy. Olardyń taralý joly koronavırýs ınfeksııasymen birdeı, ıaǵnı aýa-tamshy jolymen beriledi. Aǵymdaǵy epıdemıologııalyq maýsymnyń basynan beri respýblıkamyzda tumaýdyń 1 014 zerthanalyq rastalǵan jaǵdaıy tirkeldi. Respýblıkada tumaýdyń A jáne B vırýsynyń aınalymda júrgeni anyqtaldy. Budan basqa búgingi kúni 1 mıllıonnan astam JRVI tirkeldi. Syrqattanýshylyq ótken jyldyń osy kezeńimen salystyrǵanda birdeı deńgeıde bolyp otyr. Aýyrǵandardyń 60 paıyzy – 14 jasqa deıingi balalar», dedi A.Esmaǵambeova.