Astananyń «Barysy» qurlyqtyq hokkeı lıgasynyń (QHL) kezekti týrynda Habarovskiniń «Amýryn» qabyldap, taǵy da jeńilistiń kermek dámin tatty.
Birneshe básekeni syrtta ótkizip, elge oralǵannan keıin jergilikti jankúıerler jerlesterimizden jigerli oıyn kútti. Biraq bul joly da úmit aqtalmady. 19-mınýtta Ańsar Shaıhmeddenov astanalyqtardy alǵa shyǵardy. Sol kezde bir qýanyp qalǵan edik. Alaıda kóp uzamaı qonaqtar esepti teńestirip ketti. Odan keıin basymdyqqa ıe bolǵan Qıyr Shyǵystan kelgen jigitter «Barystyń» oıynshylaryna bas kótertpedi. 22-mınýtta Iаn Drozg jáne 60-mınýtta Aleksandr Sharov bir-bir goldan soǵyp, «Amýrǵa» jeńis syılady. Esep – 1:3.
32 kezdesýden keıin bar-joǵy 28 upaı jıǵan «Barys» turaqty birinshiliktiń jarys kestesinde 19-orynǵa ornalasqan.