Jastardyń qarqyny kúshti

60 kılo salmaq dárejesiniń basty favorıti Eldos Smetov bul jarystan bosatylǵandyqtan, jankúıerlerdiń paıymdaýyn­sha, bas júlde úshin tartys ult­tyq qurama músheleri Maǵ­jan Shamshaddın, Baýyrjan Ja­ýyntaev, Baýyrjan Narbaev jáne Sherzod Davlatov arasynda órbýge tıis edi. Mamandardyń pikiri soǵan saı keldi. Biraq bul boljamnyń bári qate boldy. Joǵaryda esimderi atalǵan sol tórt myqtynyń arasynan tek Jaýyntaev qana jeńis tuǵyryna kóterile aldy. Jartylaı fınalda Mereı Marhanbetovten jeńilgen ol qola medaldi qa­naǵat tutty. Al qalǵandary tu­­saýkeser kezdesýlerinde sú­rindi. Atap aıtsaq, Davlatov pen Sham­shaddındi Dáýren Súı­kenov súrindirdi. Narbaev bolsa, Jaqsybek Jeńisbekten jeńildi. Alaıda sańlaqtardy san soqtyrǵan dzıýdoshylardyń ózderi de uzaqqa shappady. Ná­tıjesinde asa jeńil salmaqtaǵy 56 balýannyń basyn qosqan báse­kede atyraýlyq Qanat Seıil­hannyń baq juldyzy jandy. Jartylaı fınalda jetisýlyq Damır Bolatbekovti jeńgen ol aqtyq synda mańǵystaýlyq Me­reı Marhanbetovten aılasyn asyrdy. Qyzylordalyq Baýyr­jan Jaýyntaevpen birge el­ordadan kelgen Erjan Eren­ǵaıy­pov ta qola medaldi enshiledi.

66 kılo salmaqtaǵy elimizdiń birinshi nómirli dzıýdoshysy Ǵusman Qyrǵyzbaev ekeni sózsiz. Biraq bul joly onyń joly bolmady. Álem chempıonatynyń kúmis júldegeri degen dardaı ataǵy bar qandasymyz «shúý» de­gende Nur Amanshúkirovten utyl­dy. Ǵusmanyń egizi – Ǵumar Qyr­ǵyzbaev ta tym súreńsiz óner kórsetti. Alǵashqy kezdesýin je­ńispen aıaqtaǵan ol, ekinshisinde Ermek Amangeldige ese jiberdi. Bul salmaqta Eset Qýanovtyń qarqyny kúshti boldy. Kezinde sambodan álem chempıony, Álem kýboginiń ıegeri, eki dúrkin álem birinshiliginiń qola júldegeri atanǵan 30 jastaǵy Aqtóbeniń arlany sońǵy kezderi dzıýdoshylar dodasynda da daralanyp júr. Osy jarysta barlyq qarsylasyn jolynan yǵystyrǵan ol bas júldeni qanjyǵasyna baılady. Fınalda Eset Mańǵystaý oblysynyń ókili Suńǵat Jubat­qandy jeńdi. Qola medal tatamı qojaıyndary Aıbolat Ystybaı men Ermek Amankeldige buıyrdy.

73 kılo salmaqta Danııar Shamshaevtyń asqan sheberligine tánti boldyq. Jambyl obly­synyń atynan synǵa túsip júrgen jas jolbarys bıyl tamyz aıynda Astanada ótken Azııa chempıonatynda Qazaqstan balýandary arasynan jalǵyz ózi altyn tuǵyrǵa kóterilgen edi. О́kinishke qaraı, Tashkenttegi álemdik dodada onyń baǵy janbady. Esesine Atyraýda Danııar dara shyqty. Bastapqy básekelerde Beknur Táńirbergen, Mahambet Saǵatbekov, Ermat Esqazıevti eńsergen ol jartylaı fınalda Asqar Narqulovty tize búktirdi. Aqtyq aıqasta Sham­shaev oraldyq Ańsarbek Ǵaı­nýllındi esh qınalmaı jeńdi. Mańǵystaýlyq Narqulov pen jetisýlyq Darhan Qoıbaǵar úshinshi oryndardy ıelendi.

81 kılo salmaqta óskemendik Madııar Sembaev – birinshi, Be­kádil Shaımerdenov – ekin­shi jáne aqtóbelik Nurjan Bısenov pen abaılyq Jalǵas Qaırolla úshinshi oryndardy enshiledi. Kópshilik 90 kılo salmaq dárejesiniń shırek fı­naldyq saıysyn qyzyǵa tamashalady. Bul mejede saqa sportshylar – túrkistandyq Dıdar Hamza men shymkenttik Ersultan Muzafarovtyń joldary qıysty. Bul tartys Azııa oıyndarynyń jeńimpazy, qurl­yq birinshiliginiń júldegeri, Olımpııa oıyndaryna qatysýshy Hamzanyń paıdasyna sheshildi. Fınalda Dıdar óziniń jerlesi Aıdar Arapovtan aılasyn asyrdy. Jetisýlyq Muhammedáli Mav­lıdov pen almatylyq Er­asyl Janataevtyń moınynda qola medal jarqyrady.

100 kılo salmaqtyń bas­ty favorıti Islam Bozbaev úshinshi aınalymnan asa alma­dy. Ol jambyldyq Danıl Fe­dorovqa jol berdi. Bul sal­maq­ta Bekarys Sádýaqasqa teń keler eshkim tabylmady. 2018 jyly Argentınanyń astanasynda alaýy tutanǵan Dúnıejúzilik jasóspirimder olımpıadasynyń jeńimpazy atanǵannan keıin jas balýannyń jolyna úlken úmitpen qarap edik. Biraq sodan keıin biraz ýaqyt boıy ol jarqyn jeńisterimen óz jankúıerlerin qýanta almady. Bul joly biz dál sol Býenos-Aırestegi Bekarysty kórdik. О́zi­ne senimdi, ójet jáne qaısar minezinen tanbaǵan 22 jastaǵy dzıýdoshy alǵashqy eki qarsylasyn upaı sanymen utsa, odan keıingi úsheýin ıpponmen, ıaǵnı taza jeńdi. Nátıjesinde Bekarys Sádýaqas el chempıony atandy. Kúmis medaldi atyraýlyq Bekzat Shaǵataev ıelense, qola júldeni taǵy bir tatamı ıesi Suńǵat Zakarııaev pen qyzylordalyq Nurlyhan Sharhan ıemdendi.

Alyptardyń aıqasy Ádil Oraz­baevtyń jeńisimen aıaqtaldy. Ádil fınalda jambyldyq Jam­byl Turǵynalıevti shań qap­tyryp ketti. Qyzylordalyq El­aman Erǵalıev pen pavlo­dar­lyq Serik Sálmenov úshinshi tuǵyrǵa kóterildi. Asa aýyr salmaqta Elamannan bólek, ár jyldary «Qazaqstan Barysy» týr­nırinde eleýli tabystarǵa qol jetkizgen qazaq kúresiniń has sheberleriniń de qalyń sho­ǵyry óner kórsetti. Alaıda Er­­asyl Qajybaev, Nurdáýlet Ja­rylǵapov, Talǵat Ámirenov jáne Ǵalymjan Qyryqbaı syndy túıe balýandardyń bul jarysta baqtary janbady.

– Atyraýdaǵy jarystyń deńgeıi óte joǵary boldy. El chempıonatyn osyndaı joǵary dárejede uıymdastyrǵan jer­gilikti sport basqarmasy men res­pýblıkalyq Dzıýdo federasııasyna alǵystan basqa aıtarymyz joq. Jeke meni chempıon­dardy tuǵyrdan taıdyrǵan jas balýandardyń qarqyny qatty qýantty. Aldaǵy ýaqytta sol jigit­ter halyqaralyq arenada el namysyn abyroımen qorǵaı­tynyna senimdimin. Jáne de ózimniń shákirtim Bekarys Sádýaqastyń ónerine rıza boldym. Osy joly ol óziniń myq­tylyǵyn túbegeıli moıyndatyp, 100 kılo salmaq dárejesinde bas júldeni oljalady, – dedi dzıýdodan Qazaqstan Respýblıkasynyń eńbek sińirgen jattyqtyrýshysy Berik Jetpisbaev.

Al áıelder arasyndaǵy ja­rys­tyń nátıjesi mynadaı: 48 kılo: 1. Ǵalııa Tynybaeva (Al­maty qa­lasy), 2. Sara Qulym (Túrkistan), 3. Irına Dýbovskaıa (Jetisý) men Aıkúnim Túıtekova (Al­maty oblysy). 52 kılo: 1. Áı­gerim Ábil­qa­dyrova (Astana), 2. Tolǵanaı Ábe­ýova (Aqmola), 3. Gúldana Ál­mu­hambetova (Mań­ǵystaý) men Qundyz Jyl­qybaı (Qyzylorda). 57 kılo: 1. Baqyt Qusaqbaeva (Aqtóbe), 2. Da­na Ábdirova (Atyraý), 3.Balnur Qurmanbaı (Almaty qalasy) men Raýza Nurmuhammetova (Jambyl), 63 kılo: 1. Esmegúl Kýıýlova (Atyraý), 2. Móldir Narynova (Je­tisý), 3. Zarına Sáripova (Abaı) men Samalaı Erǵalıeva (Qos­tanaı). 70 kılo: 1. Anastasııa Maıa­kova (Aqmola), 2. Anastasııa Mo­rozova (Almaty qalasy), 3. Ajar Ashat (Abaı) pen Perızat Ja­qypbekova (Túrkistan). 78 kılo: 1.Arýna Jangeldına (Aqtóbe), 2. Nazerke Tileýhanova (Shymkent), 3. Laýra Jánibekova (Qaraǵandy) men Ásel Bısenbaı (Qyzylorda). +78 kılo: 1. Aqerke Ramazanova (Almaty qa­lasy), 2. Kámıla Ber­liqash (Je­tisý), 3. Aıda Toı­shy­bekova (Qaraǵandy) men Al­bına Baqıeva (Shymkent).