О́tken prezıdent saılaýy osy jyl boıy nyǵaıa túsken qoǵamdyq shoǵyrlaný turǵysynda eldiń damýy úshin zor mańyzǵa ıe. Maýsym referendýmynda qazaqstandyqtardyń 77 paıyzdan astamynyń konstıtýsııalyq reformany maquldaýy azamattardyń is basyndaǵy bılikti qoldaýyn kórsetti.
Daýys berý qorytyndysynda 80 paıyzdan astam daýys jınaǵan Qasym-Jomart Toqaevtyń senimdi jeńisi bıliktiń júzege asyryp jatqan, sonymen qatar bolashaqqa josparlap otyrǵan is-áreketin azamattardyń qoldaıtynynyń jarqyn kórinisi. Osylaısha, eger referendým qoǵamnyń shoǵyrlanýynyń jańa deńgeıge kóterilýin kórsetse, prezıdenttik saılaý azamattyq qoǵamnyń nyǵaıýyna sapaly, tyń mazmundy sıpat berdi.
Saılaý búginde qoǵam men bılikte el damýynyń keleshegine biryńǵaı túsinik bar ekendigin qýattady. Jalpy, úlken elektoraldy sıkldiń birinshi kezeńi sátti aıaqtaldy deýge bolady. Kelesi kezek – parlamenttik jáne máslıhattar saılaýy. Qoryta kelgende, qoǵam bıliktiń shoǵyrlanýyn nyǵaıtyp, memlekettik ınstıtýttardyń turaqty júıesin qalyptastyryp, elimiz álemdegi qubylmaly kúrdeli kezeńde qajetti nyq ári turaqty qor jınaqtaıdy.
Erlan QARIN,
Memlekettik keńesshi