Pavlodar oblysynyń turǵyndaryna tegin uıaly baılanys usynyldy. Endi 160 myńnan astam abonent bir aı boıy tegin qońyraýlar men tegin mobıldi ınternetpen paıdalana alady, dep habarlaıdy Egemen.kz Sıfrlyq damý, ınnovasııalar jáne aeroǵarysh ónerkásibi mınıstrliginiń baspasóz qyzmetine silteme jasap.
Ekibastuzda jarııalanǵan tótenshe jaǵdaı rejımine baılanysty mınıstrlik mobıldi operatorlardy Ekibastuz ben Pavlodar oblysynyń turǵyndaryna qoldaý kórsetýge shaqyryp, aksııaǵa bastamashylyq jasady.
Osylaısha, Ekibastuzda Tele2/Altel qoldanatyn 17 myń abonent 45 mınýt tegin qońyraý men uıaly nómirlerge 45 tegin SMS, sondaı-aq 8 Gb ınternet-trafık alady. Bul paket 28 qarashadan bastap 30 kún boıy jaramdy bolady.
Pavlodar oblysynda turatyn Kcell abonentterine 4 Gb ınternet-trafık pen basqa mobıldi operatorlardyń nómirlerine 20 mınýt tegin qońyraý usynylǵan. Bonýstyq resýrstar 7 kún boıy jaramdy bolady.