Bul týraly Prezıdenttiń baspasóz qyzmeti habarlady, dep jazady Egemen.kz.
«Memleket basshysynyń Jarlyǵymen Serik Jambyluly Shápkenov Atyraý oblysynyń ákimi laýazymyna taǵaıyndaldy», dep jazylǵan habarlamada.
Serik Jambyluly 1979 jyly 29 shildede Batys Qazaqstan oblysy Qaratóbe aýylynda týǵan.
Batys Qazaqstan memlekettik ýnıversıtetin «ekonomıst-matematık» mamandyǵy boıynsha bitirgen.
Eńbek jolyn 2000 jyly Batys Qazaqstan memlekettik ýnıversıtetinde oqytýshy bolyp bastady. Túrli jyldary Batys Qazaqstan oblysy ákiminiń apparaty qurylymynda jumys istedi.
2012 jylǵy tamyzdan bastap 2015 jylǵy qańtarǵa deıin Batys Qazaqstan oblysy ákiminiń birinshi orynbasary boldy;
2015 jylǵy qańtardan bastap 2016 jylǵy shildege deıin QR Prezıdenti Ákimshiliginiń Memlekettik baqylaý jáne aýmaqtyq uıymdastyrý jumysy bóliminiń memlekettik ınspektory;
2016 jylǵy shildeden bastap 2018 jylǵy maýsymǵa deıin Atyraý qalasynyń ákimi;
2018 jylǵy maýsymnan bastap 2020 jylǵy maýsymǵa deıin Atyraý oblysy ákiminiń birinshi orynbasary;
2020 jylǵy maýsymnan bastap 2021 jylǵy qańtarǵa deıin Qazaqstan Respýblıkasy Eńbek jáne halyqty áleýmettik qorǵaý vıse-mınıstri;
2021 jylǵy 18 qańtarda Qazaqstan Respýblıkasynyń Eńbek jáne halyqty áleýmettik qorǵaý mınıstri bolyp taǵaıyndaldy.