Ulybrıtanııa Reseıge qarsy sanksııalar tizimine 22 jańa pozısııa qosty. Bul týraly sársenbide koroldiktiń Syrtqy ister mınıstrligi habarlady, dep jazady Egemen.kz.
Atalǵan el Reseı oblystarynyń barlyq áskerı komıssarlaryna sanksııa saldy. Sonymen qatar Reseı Federasııasy Premer-mınıstriniń orynbasary men Indýstrııa jáne saýda mınıstrliginiń basshysy Denıs Mantýrovqa, sondaı-aq Federaldyq qylmystyq atqarý qyzmetiniń dırektory Arkadıı Gostevke qatysty shekteýler engizildi.
Mundaı sanksııalardyń Reseı Ortalyq saılaý komıssııasynyń basshysy Ella Pamfılova men birqatar oblys gýbernatoryna da qatysy bar. Olardyń qatarynda Rostov oblysynyń basshysy Vasılıı Golýbev, Omby oblysynyń basshysy Aleksandr Býrkov, Mýrmansk oblysynyń gýbernatory Andreı Chıbıs jáne Belgorod oblysynyń gýbernatory Vıacheslav Gladkov bar.
Osyndaı sanksııalarǵa Daǵystan basshysy Sergeı Melıkov, Magadan oblysynyń gýbernatory, Sergeı Nosov, Arhangelsk oblysynyń basshysy Aleksandr Sybýlskıı, Qalmaqstan basshysy Batý Hasıkov jáne Krasnodar aımaǵynyń basshysy Venıamın Kondratev te ilikken.