Qazaqstannyń Halyq aqyny, belgili aıtysker Qonysbaı Ábil kóz jumdy. Bul týraly Aqparat jáne qoǵamdyq damý mınıstri Darhan Qydyráli habarlady, dep jazady Egemen.kz.
«Tektiler mekeni Torǵaı topyraǵynan túlep ushyp alty alashtyń ardaqtysyna, arqaly aqtańger aqynyna aınalǵan Qonysbaı Ábilov aǵamyz dúnıeden ótipti.
Qonysbaı aǵamyzdyń arqaly aqyn ǵana emes, qalamy júırik jýrnalıst retinde de «Torǵaı tańy» gazeti redaktorynyń orynbasary, «Arqalyq tańy» gazetiniń redaktory, Torǵaı oblystyq teleradıokompanııasynyń tóraǵasy sekildi birqatar jaýapty qyzmetter atqaryp, otandyq jýrnalıstıkanyń damýyna zor úles qosty.
Aǵamyzdyń jatqan jeri jaıly, topyraǵy torqa bolsyn! Jaqyndaryna kóńil aıtamyn», dep jazdy mınıstr.