Qazirgi ýaqytta halyqty koronavırýsqa qarsy ımmýndaý úshin elordada 12 myńǵa jýyq vaksına bar, dep habarlaıdy Egemen.kz.
Medısınalyq-sanıtarııalyq alǵashqy kómek kórsetý (MSAK) uıymdarynda 34 egý kabıneti jumys isteıdi. Vaksınasııanyń mańyzdylyǵy jáne halyqty ımmýndaýdyń qalaı júrgiziletini týraly onlaın-brıfıngte qalalyq qoǵamdyq densaýlyq saqtaý basqarmasy basshysynyń orynbasary Berik Qaıkenov aıtty.
Búginde elordanyń alty ınfeksııalyq stasıonarynda koronavırýs pen kovıd pnevmonııasynan 105 pasıent emdelýde. Olardyń júktemesi 53,8% quraıdy. Reanımasııa bólimshesinde 7 pasıent em alyp jatyr.
Ambýlatorııalyq deńgeıde MSAK uıymdarynda 170 adam emdelýde.
«2 apta ishinde koronavırýstyq ınfeksııamen syrqattaný derekteriniń ósýiniń negizgi sebebi - koronavırýstyq ınfeksııaǵa qarsy ımmýnıteti bar adamdar úlesiniń tómendeýi. Iаǵnı vaksınasııalanǵan adamdar men sońǵy 6 aıda aýyryp, antıdeneler sanynyń joǵary deńgeıi bar adamdar sany azaıdy. Sondyqtan ýaqytyly revaksınasııadan ótý qajet», dep túsindirdi B. Qaıkenov.
Elordada KVI-ge qarsy vaksınanyń birinshi komponentimen 537 863 adam egildi, 520 822 adam tolyq ımmýndaýdan ótti. Revaksınasııalanǵandardyń sany 169 myń adam.
Berik Qaıkenov koronavırýsqa qarsy vaksınasııa eń kúshti profılaktıkalyq shara bolǵanyn jáne solaı bolyp qala beretinin atap ótti. Vaksına aýrýdyń aýyr ótýinen, asqynýlardan jáne ólimnen qorǵaıdy.
«Ýaqytyly vaksınasııalaý jáne revaksınasııalaý kezinde adam 90 paıyzdan astam jaǵdaıda aýrýdyń aýyr áserinen qorǵalady. Qazirgi ýaqytta halyqty koronavırýstan ımmýndaý úshin elordada 12 myńǵa jýyq vaksına bar. Sonymen qatar MSAK uıymdarynda 34 egý kabıneti jumys isteıdi», dedi spıker.