Pavlodarda «Sary-Arqa» qonaqúıiniń birinshi qabatynda shyqqan tútinge baılanysty 220 adam, onyń ishinde 10 bala evakýasııalandy, dep habarlaıdy Egemen.kz.
Qalalyq TJD málimetinshe, órt týraly habarlama saǵat 03:18-de túsken. Orynǵa 5 birlik tehnıka, tótenshe jaǵdaı departamentiniń 25 qyzmetkeri, órt sóndirý qyzmeti, jedel-qutqarý jumystary, Medısına jáne apattar ortalyǵynyń qyzmetkerleri attandy.
«220 adam evakýasııalandy, onyń 10-y balalar. О́rt 03.59-da oqshaýlanyp, 04.06-da joıyldy. Bir adam tútinnen ýlanyp, Pavlodardaǵy birinshi qalalyq aýrýhanaǵa jetkizildi. Bul 1969 jyly týǵan er adam», dep habarlady qalalyq Tótenshe jaǵdaı departamentinen.