Elimizde Memleket basshysynyń Jarlyǵymen megapolıster men oblystardyń ákimderi taǵaıyndalǵan edi. Nazarlaryńyzǵa oblys jáne respýblıkalyq deńgeıdegi qala ákimderi týraly qysqa derek usynamyz.
Jetisý oblysynyń ákimi bolyp Beıbit Isabaev taǵaıyndaldy.
Beıbit О́ksikbaıuly Isabaev 1962 jyly Almaty oblysynda týǵan. S.M.Kırov atyndaǵy Qazaq memlekettik ýnıversıtetin, Qazaqstan Respýblıkasy Syrtqy ister mınıstrliginiń Dıplomatııalyq akademııasyn bitirgen. Mamandyǵy – jýrnalıst, halyqaralyq qatynastar mamany. Tótenshe jáne О́kiletti elshi dıplomatııalyq dárejesi bar, saıası ǵylymdardyń kandıdaty.
Atyraý oblysynyń ákimi laýazymyna Serik Jambyluly Shápkenov taǵaıyndaldy.
Serik Jambyluly 1979 jyly 29 shildede Batys Qazaqstan oblysy Qaratóbe aýylynda týǵan. Batys Qazaqstan memlekettik ýnıversıtetin «ekonomıst-matematık» mamandyǵy boıynsha bitirgen. Eńbek jolyn 2000 jyly Batys Qazaqstan memlekettik ýnıversıtetinde oqytýshy bolyp bastady. Túrli jyldary Batys Qazaqstan oblysy ákiminiń apparaty qurylymynda jumys istedi.
Murat Áıtenov Shymkent qalasynyń ákimi qyzmetine qaıta taǵaıyndaldy.
Murat Áıtenov 1981 jyly týǵan. Bilimi joǵary, mamandyǵy boıynsha «Uıymdastyrý jáne aqparatty qorǵaý tehnologııasy» jáne zańtaný. Eńbek jolyn Astana qalasynda 2004 jyly QR Qorǵanys mınıstrligi janyndaǵy arnaıy baılanys bóliminiń kezekshilik aýysymynyń aǵa ınjener-bastyǵy bolyp bastaǵan. 2020 jyldyń qańtarynan beri Shymkent qalasynyń ákimi bolyp qyzmet etýde.
Aıdarbek Seıpiluly Saparov Soltústik Qazaqstan oblysynyń ákimi laýazymyna taǵaıyndaldy.
Saparov Aıdarbek Seıpiluly 1966 jyly 12 maýsymda Soltústik Qazaqstan oblysynda dúnıege kelgen. Omby aýyl sharýashylyǵy ınstıtýtyn (1992), Manash Qozybaev atyndaǵy Soltústik Qazaqstan memlekettik ýnıversıtetin (2006) zooınjener mamandyǵy, memlekettik basqarý bakalavry boıynsha támamdaǵan. Eńbek jolyn 1984 jyly sovhozdyń býhgalteri bolyp bastaǵan. «Qurmet» ordenimen, «Astanaǵa 10 jyl» mereıtoılyq medalimen marapattalǵan.
Marat Sultanǵazıev Almaty oblysynyń ákimi bolyp qaıta taǵaıyndaldy.
Marat Sultanǵazıev 1976 jyly 24 aqpanda Almaty oblysy Shelek aýdany Qaratúrik aýylynda dúnıege keldi. Abaı atyndaǵy Almaty memlekettik ýnıversıtetin, Qazaq memlekettik zań akademııasyn, T. Rysqulov atyndaǵy Qazaq ekonomıkalyq ýnıversıtetin támamdaǵan. Mamandyǵy boıynsha — ekonomıst-qarjyger, zańger, iskerlik ákimshilendirý magıstri. Eńbek jolyn 1997 jyly Salyq bóliminiń zańdy tulǵalardy tekserý bóliminiń birinshi sanatty mamany bolyp bastaǵan. 2022 jyldyń 11 maýsymynan beri Almaty oblysynyń ákimi bolyp qyzmet etýde.
Eraly Toǵjanov Aqtóbe oblysynyń ákimi qyzmetinde qaldy.
Eraly Toǵjanov 1963 jyly 13 mamyrda dúnıege kelgen. 1988 j. – E. A. Bóketova atyndaǵy Qaraǵandy memlekettik ýnıversıtetiniń zań fakýltetin bitirgen. 1994 j. – Qazaqstan Respýblıkasy Ǵylym akademııasynyń memleket jáne quqyq ınstıtýtyn támamdaǵan. Zań ǵylymdarynyń kandıdaty, saıasattaný ǵylymdarynyń doktory. 2022 jylǵy 31 tamyzdan beri Aqtóbe oblysynyń ákimi bolyp qyzmet etýde.
Memlekettik nagradalary: «Dostyk» II dárejeli ordeni, «Qazaqstan Respýblıkasynyń táýelsizdigine 10 jyl», «Eren eńbegi úshin» medali.
Qumar Irgebaıuly Aqsaqalov Qostanaı oblysynyń ákimi laýazymyna taǵaıyndaldy.
1965 jyldyń 24 tamyzynda, Qostanaı oblysynyń Lenınsk aýylynda dúnıege kelgen. 1987 jyly V.P.Gorıachkın atyndaǵy Máskeý aýyl sharýashylyǵy óndirisiniń ınjenerlik ınstıtýtyn ınjener-mehanık mamandyǵy boıynsha támamdaǵan. Ekonomıka ǵylymdarynyń kandıdaty. 2017 jylǵy 14 naýryzdan bastap Soltústik Qazaqstan oblysynyń ákimi boldy.
Darhan Amangeldiuly Satybaldy Túrkistan oblysynyń ákimi laýazymyna taǵaıyndaldy.
Darhan Amangeldiuly 1974 jyly Saryaǵash aýdanynda dúnıege kelgen. S.Seıfýllın atyndaǵy Aqmola aýyl sharýashylyq ınstıtýtyn, Qazaq gýmanıtarlyq-zań ýnıversıtetin bitirgen. Shymkent qalasynyń ákimi, Ońtústik Qazaqstan oblysy ákiminiń birinshi orynbasary, QR Premer-Mınıstri Keńsesi bólim meńgerýshisiniń orynbasary bolyp qyzmet atqarǵan. Qazaqstan Respýblıkasy Parlamenti Senatynyń depýtaty bolǵan. 2019-2022 jyldary Qazaqstan Respýblıkasynyń О́zbekstan Respýblıkasyndaǵy Tótenshe jáne О́kiletti Elshisi bolyp qyzmet etti. 2022 jyldyń tamyzynan beri Túrkistan oblysynyń ákimi qyzmetinde.
Nurlybek Mashbekuly Nálibaev Qyzylorda oblysynyń ákimi laýazymyna taǵaıyndaldy.
Nurlybek Nálibaev 1976 jyly Qyzylorda oblysynda týǵan. Qazaq memlekettik agrarlyq ýnıversıtetin, Qazaq gýmanıtarlyq zań ýnıversıtetin bitirgen. RF Prezıdenti janyndaǵy Reseı Halyq sharýashylyǵy jáne memlekettik qyzmet akademııasynyń 3 kýrs doktoranty. Eńbek jolyn 1997–1998 jyldary aralyǵynda «Kazahoıl-kommersııa» JShS munaı jáne munaı óndirisi sarapshysy bolyp bastaǵan. 2021 jylǵy 1 sáýirden bastap Qazaqstan Respýblıkasy Premer-Mınıstri Keńsesiniń О́ńirlik damý bóliminiń meńgerýshisi qyzmetin atqaryp keldi.
Nurlan Uranhaev Abaı oblysynyń ákimi qyzmetinde qaldy.
Nurlan Uranhaev 1965 jylǵy 4 mamyrda dúnıege kelgen. V. I. Lenın atyndaǵy Qazaq polıtehnıkalyq ınstıtýtynda «ınjener-mehanık» mamandyǵyn, Qazaq qarjy-ekonomıkalyq ınstıtýtynda «ekonomıst-menedjer» mamandyǵyn, Shyǵys Qazaqstan memlekettik tehnıkalyq ýnıversıtetinde «ınjener-qurylysshy» mamandyǵyn oqyǵan. Eńbek jolyn 1987 jyly Semeı qalasynyń «Kazpromtehmontaj» tresinde sheber, prorab bolyp bastaǵan. 2022 jyldyń maýsymynan Abaı oblysynyń ákimi boldy. Ol osy qyzmetke Prezıdent jarlyǵymen qaıta taǵaıyndaldy.
Narıman Tóreǵalıev Batys Qazaqstan oblysynyń ákimi laýazymyna taǵaıyndaldy.
Narıman Tóreǵalıev 1964 jyly 19 shilde kúni Batys Qazaqstan oblysynyń Aqjaıyq aýdany Esensaı aýylynda dúnıege kelgen. Jambyl gıdromelıoratıvtik-qurylys ınstıtýtyn (1990) ınjener-ekonomıst, Kaspıı qoǵamdyq ýnıversıtetin (2004) zańger mamandyqtary boıynsha bitirgen. Ekonomıka ǵylymdarynyń magıstri. Eńbek jolyn «HVIII Partsezd» atyndaǵy aýylsharýashylyǵy birlestiginiń ekonomısti, bas ekonomısti (1990-1995) bolyp bastady. Buǵan deıin Parlament Senatynyń depýtaty boldy.
Berik Ábdiǵalıuly Ulytaý oblysynyń ákimi laýazymyna taǵaıyndaldy.
Berik Ábdiǵalıuly 1971 jylǵy 18 qyrkúıekte Qaraǵandy oblysy Jezqazǵan kentinde týǵan. 1994 jyly ál-Farabı atyndaǵy Qazaq ulttyq ýnıversıtetin «Tarıh» mamandyǵy boıynsha támámdaǵan. Saıasattaný ǵylymdarynyń kandıdaty. 2017 jyly «О́ńirlik jáne mýnısıpıaldyq menedjment» mamandyǵy boıynsha MBA dárejesin RF Prezıdenti janyndaǵy Reseı halyq sharýashylyǵy jáne memlekettik qyzmet akademııasynda (Máskeý q.) qorǵaǵan. 10 kitaptyń jáne qazaqstandyq jáne sheteldik ǵylymı basylymdardaǵy 100-den astam ǵylymı jarııalanymdardyń avtory. 2022 jyldyń maýsym aıynan bastap Ulytaý oblysynyń ákimi.
Nurjan Moldııaruly Nurjigitov Jambyl oblysynyń ákimi laýazymyna qaıta taǵaıyndaldy.
Nurjan Nurjigitov 1967 jyly dúnıege kelgen, bilimi joǵary. 1991 jyly Eńbek Qyzyl Tý ordendi Lenıngrad aýylsharýashylyq ınstıtýtyn «Injener-mehanık», 2008 jyly Jambyl gýmanıtarlyq tehnıkalyq ýnıversıtetin «Ekonomıka» mamandyqtary boıynsha bitirgen. Tehnıka ǵylymdarynyń kandıdaty, Qazaq ulttyq agrarlyq ýnıversıtetiniń qurmetti professory. Eńbek jolyn 1991 jyly Jýaly aýdany Maksım Gorkıı atyndaǵy kolhozynda mehanık bolyp bastaǵan. 2021 jyldyń sáýir aıynda Jambyl oblysy ákiminiń orynbasary qyzmetine taǵaıyndaldy.
Nurlan Asqaruly Noǵaev Mańǵystaý oblysynyń ákimi laýazymyna taǵaıyndaldy.
Nurlan Asqaruly Noǵaev 1967 jyly týǵan. Bilimi joǵary, I.Gýbkın atyndaǵy Máskeý memlekettik munaı jáne gaz akademııasyn, Qazaq memlekettik basqarý akademııasyn, Reseı Syrtqy ister mınıstrligi janyndaǵy «Halyqaralyq qatynastar ýnıversıteti» Máskeý memlekettik ınstıtýtyn taý-ken ınjeneri, ekonomıst, halyqaralyq qatynastar mamany, ákimshilik iskerlik jónindegi sheber mamandyqtary boıynsha bitirip shyqqan. Eńbek jolyn Aqtóbe oblysy, Qandyaǵash stansııasynda elektr sheberi bolyp bastaǵan. 2021 jyldyń qyrkúıeginen beri Mańǵystaý oblysynyń ákimi bolyp eńbek etken. Ol osy laýazymǵa qaıta taǵaıyndaldy.
Ermek Boranbaıuly Marjyqpaev Aqmola oblysynyń ákimi laýazymyna taǵaıyndaldy.
Ermek Marjyqpaev 1969 jyly 29 tamyzda dúnıege kelgen. 1994 j. – S. Seıfýllın atyndaǵy Selınograd pedagogıkalyq ınstıtýtyn bitirgen. 2001 jyly, 2009 jyly Kókshetaý ýnıversıtetin támámdaǵan. Eńbek jolyn orta mektepte ustazdyqtan bastaǵan. 2019 jyldyń 19 naýryzynan beri Aqmola oblysynyń ákimi qyzmetin atqaryp keledi.
Erbolat Dosaev Almaty qalasynyń ákimi qyzmetinde qaldy.
Erbolat Dosaev 1970 jyly 21 mamyrda Almaty qalasynda dúnıege kelgen. 1987 jyly – Almaty qalasyndaǵy O. Jáýtikov atyndaǵy Respýblıkalyq fızıka-matematıkalyq mektep-ınternatyn bitirgen. Almaty energetıkalyq ınstıtýtyn, Baýman atyndaǵy Máskeý Memlekettik tehnıkalyq ýnıversıtetin bitirdi. 2019 jylǵy 25 aqpanynan bastap 2022 jylǵy qańtar aralyǵynda – Qazaqstan Respýblıkasy Ulttyq Bankiniń Tóraǵasy. 2022 jylǵy 31 qańtarynan bastap Almaty qalasynyń ákimi bolyp qyzmet etip keledi.
Baıhanov Asaıyn Qýandyquly Pavlodar oblysynyń ákimi laýazymyna taǵaıyndaldy.
Baıhanov Asaıyn Qýandyquly 1978 jyly Pavlodar oblysynyń Baıanaýyl aýdanynda dúnıege kelgen. Asaıyn Baıhanov eńbek jolyn Qazaqstandaǵy eýropalyq qaıta qurý jáne damý bankiniń (EQDB) baǵdarlamasy boıynsha bank sektorynda jumys isteı bastady. Aldymen Ekibastuzda nesıe sarapshysy boldy, keıin Almatyda EQDB baǵdarlamasynyń bas ofısiniń bólim bastyǵyna deıin ósti. Keıin Baıhanov Procredit Holding AG nemis halyqaralyq bank holdınginde jumys istedi, sonyń ishinde onyń ýkraınalyq qarjy mekemesiniń (Kıev) atqarýshy dırektory boldy. Qazaqstanǵa oralǵannan keıin Asaıyn Baıhanov «Nurbank» basqarma tóraǵasynyń orynbasary laýazymyna taǵaıyndaldy.
Danıal Kenjetaıuly Ahmetov Shyǵys Qazaqstan oblysynyń ákimi laýazymyna taǵaıyndaldy.
Danıal Ahmetov 1954 jyly 15 maýsymda Pavlodar qalasynda dúnıege kelgen. 1976 jyly Pavlodar ındýstrıaldy ınstıtýtyn bitirgen. Mamandyǵy boıynsha ınjener-qurylysshy. 2014 jylǵy 11 qarashada Shyǵys Qazaqstan oblysynyń ákimi bolyp taǵaıyndaldy.
Ermaǵanbet Qabdululy Bólekpaev Qaraǵandy oblysynyń ákimi laýazymyna taǵaıyndaldy.
Ermaǵanbet Bólekpaev 1975 jyly 2 qyrkúıekte Qaraǵandy oblysy Shet aýdany Ýspenka aýylynda dúnıege kelgen. 1996 jyly E.A. Bóketov atyndaǵy Qaraǵandy memlekettik ýnıversıtetiniń ekonomıka fakýltetin bitirgen. Eńbek jolyn 1996 jyly «Kazkommersbank» AAQ Temirtaý fılıalynda ekonomıst qyzmetinen bastaǵan. 2018 jyldan 2020 jylǵa deıin Qaraǵandy oblysy ákiminiń orynbasary qyzmetin atqardy. 2020 jyldyń qyrkúıeginen bastap Qaraǵandy qalasynyń ákimi bolyp taǵaıyndaldy.
Jeńis Mahmuduly Qasymbek Astana qalasynyń ákimi laýazymyna taǵaıyndaldy.
Jeńis Mahmýduly Qasymbek 1975 jyly Jambyl oblysynda dúnıege kelgen. Qazaq memlekettik sáýlet-qurylys akademııasyn «sáýletshi-dızaıner» mamandyǵy boıynsha aıaqtady. 2001 jyly L. N. Gýmılıov atyndaǵy Eýrazııa memlekettik ýnıversıtetin «memlekettik jáne jergilikti basqarý» mamandyǵy boıynsha támamdady. Eńbek jolyn 1997 jyly Qazaq memlekettik sáýlet-qurylys akademııasynda taǵylymger-zertteýshi bolyp bastaǵan. 2019 jylǵy 25 aqpanda Premer-Mınıstrdiń orynbasary boldy. 2019 jylǵy 19 qyrkúıekte Qaraǵandy oblysynyń ákimi bolyp taǵaıyndaldy.