Bul týraly Memleket basshysy Úkimettiń keńeıtilgen otyrysynda aıtty, dep habarlaıdy Egemen.kz.
«Kelesi – baǵa belgileý máselesi. Bul másele boıynsha birneshe talqylaý boldy. Azyq-túlik baǵasyn ósirmeý úshin negizgi baǵyttar boıynsha naqty jumys júrgizý kerek. О́nimniń ózindik qunyn tómendetý, qajetsiz deldaldan arylý týraly biz birneshe ret aıttyq. Saýda jelilerin qoljetimdi etip, aınalymǵa qarjy salý úshin arzan nesıe berý tásilin de qoldanýǵa bolady. Bul baǵytta alǵashqy qadamdar jasaldy. Taýar óndirýshiden aldyn-ala tikeleı satyp alý erejesi qabyldandy.
Bıýdjetten qarjy bólinetin boldy. Degenmen kóptegen sharýanyń kókónis saqtaıtyn jeri joq. Sol sebepti, olar ónimderin egis basynan tikeleı satýǵa májbúr bolady. Onyń saldary bárimizge belgili. Aýyl turǵyndary biraz tabysynan qaǵylady. Azyq-túliktiń baǵasy jyl mezgiline qaraı qatty ózgeredi. Kúzde sý tegin nárse kóktemde sharyqtap shyǵa keledi», dedi Prezıdent.
Prezıdenttiń aıtýynsha, baǵany turaqtandyrýdyń sheshimi – qoıma ınfraqurylymyn jasaý. Biraq bul baǵyttaǵy jumys baıaý júrip jatyr.
«Byltyr 83 myń tonna nemese 77 paıyz ónim saqtaıtyn qoıma salý kózdelgen edi. Alaıda jospar 64 myń tonnaǵa ǵana oryndaldy. Bıyl jumys birshama jandana tústi. 98 myń tonnalyq qoıma salý josparlanyp, sonyń 87 myń tonnasy qazirdiń ózinde iske qosyldy. Degenmen bul baǵyttaǵy sharýany áli de shırata túsý kerek», dep qosty Q.Toqaev.
Sonymen qatar Memleket basshysy qazirgi jaǵdaıda azyq-túlik qaýipsizdigi eldi órkendetýdiń basty sharty ekenin túsiný qajet ekenin aıtty. Agroónerkásip keshenin damytý, ásirese aýyl sharýashylyǵy ónimderin óńdeý – Úkimet pen ákimder úshin basty basymdyq bolýǵa tıis