Memleket basshysy aýyldyq jerlerdi damytý masqatynda 2023 jyldan bastap eldi meken turǵyndarynyń ál-aýqatyn arttyrý boıynsha aýqymdy jumystar atqarylatynyn aıtty, dep habarlaıdy Egemen.kz.
«Men Aýyldyq aýmaqtardy damytý tujyrymdamasyn ázirleýdi tapsyrdym. Bul – meniń jańa prezıdenttik ókilettigim bastalǵannan keıingi alǵashqy Jarlyǵym. Kelesi jyl aýyl turǵyndarynyń ál-aýqatyn arttyrýǵa jáne turmys sapasyn jaqsartýǵa arnalady. Tujyrymdamany ázirleýge mamandardy, sharýalardy jáne jergilikti qoǵam belsendilerin tartý qajet. Aýyldy órkendetýdiń múldem tyń tásilderi kerek», dedi Qasym-Jomart Toqaev.
Sondaı-aq ol mundaı jumystardy naqty iske asyrý kerek dep esepteıdi. Budan bólek, Prezıdent jaıylym máselesine de nazar aýdardy.
«Jer – aýyldaǵy turǵyndardyń negizgi tabys kózi. О́kinishke qaraı, eldi mekenderdiń tóńireginde jaıylym jetispeıdi. Shamamen 8,8 mıllıon gektar jer tapshy. Meniń tapsyrmammen 5,2 mıllıon gektarǵa jýyq aýyl sharýashylyǵy jeri memleket menshigine qaıtaryldy. Bul – negizinen, jaıylymdyq jerler. Endi Úkimet oblys ákimdikterimen birlesip, jerdi bólip-taratý úshin monıtorıng kartasyn ázirleýge tıis. Sol arqyly jaıylymdyq jerge muqtaj aýyl halqynyń jaǵdaıyn jasaımyz», dedi Memleket basshysy.
Prezıdent birinshi kezekte aýyl turǵyndarynyń múddesi qorǵalýy kerek ekenin atap ótti.
«Jalpy, «Barmaq basty, kóz qysty» degendi múldem doǵarý qajet. О́zara ymyralasqan, astyrtyn sheshim qabyldaýǵa bolmaıdy. Jekelegen sharýashylyqtardyń emes, aýyl turǵyndarynyń múddesi birinshi orynda turýǵa tıis. Aýyl jurtynyń kópshiliginde jer úlesi bar. Biraq halyq onyń ıgiligin kóre almaı otyr. Azyq-túlik qaýipsizdigi búkil álem boıynsha basty máselege aınaldy. Bıyl bizdiń elde astyq mol shyqty. Biraq eginniń ortasha shyǵymy áli de tómen. Bul salada zamanaýı tehnologııany qoldaný óte mańyzdy. Sharýalardy osyǵan yntalandyrý kerek. Sondaı-aq tyńaıtqyshtyń qoljetimdi bolýyn qamtamasyz etken jón. Aýyl sharýashylyǵy ónimin óńdeý isin jaqsartýǵa basa nazar aýdarý qajet. Memleket jyl saıyn agroónerkásip keshenin damytýǵa 350 mıllıard teńgeden astam sýbsıdııa bóledi. Soǵan qaramastan, tereń óńdeý óndirisi damyp jatqan joq», dedi Qasym-Jomart Toqaev.