Búgin qazaqstandyq oqýshylar fızıka, bıologııa jáne hımııa pánderi boıynsha halyqaralyq jasóspirimder olımpıadasynda 6 medal jeńip aldy, dep habarlaıdy Egemen.kz Oqý-aǵartý mınıstriniń jazbasyna silteme jasap.
«Qurama qorjynynda 1 kúmis pen 5 qola bar. Byltyr oqýshylarymyz dál osy olımpıadada 3 qola medal ıelengen edi. Osylaısha, balalar bıyl rekord jańartty. Zııatkerlik saıys Kolýmbııanyń Bogota qalasynda ótti. Oǵan álemniń 60 elinen 300-ge jýyq bala qatysty», dep jazdy Ashat Aımaǵambetov.