Azattyq urpaǵynyń mereıi

Bıylǵy baıqaýǵa elimizdiń ár aı­ma­ǵy­nan 14 pen 29 jas aralyǵyndaǵy, 3 myń­ǵa jýyq jas óz jobalaryn usynǵan. Olardyń ishindegi úzdikterin arnaıy qurylǵan komıssııa iriktedi. «Táýel­sizdik urpaqtary» granty Prezı­denti Qasym-Jomart Toqaevtyń tapsyrmasyna sáıkes jyl saıyn beriledi.

Jıynda joba avtorlaryn Aqparat jáne qoǵamdyq damý mınıstri Darhan Qydyráli quttyqtap, izgi lebizin bildir­di. Jastardyń bastamalaryna memlek­ettik qoldaý kórsetýdi kózdeıtin kon­kýrstyń ózektiligine toqtaldy.

«О́zderińizge málim, ótken jyly táýel­sizdigimizdiń mereıli 30 jyldyǵy­na oraı, Qazaqstan Prezıdenti elimizdiń 30 jas azamatyna «Táýelsizdik urpaqtary» grantyn tabys etken edi. Atalǵan grant bıyl da óz jalǵasyn taýyp otyr. Otyz jyldyq tarıhy bar táýelsiz Qazaqstannyń memlekettik saıasatynyń negizgi maqsattarynyń biri – jastardy qoldaý jáne adamı kapıtaldy damytý. Táýelsizdik alyp, egemendi el bolǵaly, óskeleń urpaq tárbıesi memleket úshin basym baǵyttardyń birine aınaldy», dedi D.Qydyráli.

Sala basshysy qazirgi tańda memleket tarapynan jastardy qoldaý maqsatynda birqatar syıaqy men grant berilip jatqanyn jetkizdi. «Táýelsizdik urpaqtary» granty­nyń maqsaty belsendi, shyǵar­mashyl jastar qaýymdastyǵyn qalyp­tastyrý baǵytynda jastardyń jańa jáne qoldanystaǵy bastamalaryn qoldaý ekenin atap ótti.

«Granttar jastarǵa jańa ıdeıalar men bastamalardy iske asyrý úshin konkýrstyq negizde beriledi. Bıylǵy «Táýelsizdik urpaqtary» granty­nyń ıegerlerin anyqtaý boıynsha qurylǵan komıssııa músheleri aýqymdy jumys­tar júrgizdi. Onyń quramyna Par­la­ment depýtattary men qoǵam qaırat­kerleri, belgili mádenıet jáne óner qaıratkerleri, ǵalymdar, jazýshylar, jýrnalıster kirdi. Barsha komıssııa múshelerine alǵys aıtamyn!

Osy oraıda, ózderińizge taǵy bir jaǵymdy jańalyq aıta ketkim keledi. О́tken aptada Qazaqstan Respýblıkasy Parlamenti Senatynda «Memlekettik jastar saıasaty týraly»  zań jobasy maquldandy, zań odan ári Memleket basshysyna qol qoıýǵa engiziledi. Zań jobasynda kóterilgen basty máseleniń bi­ri – jastardyń jasyn 35 jasqa kóterý bo­ıynsha usynysymyz qoldaý tapty. Iаǵnı búginge deıin «Táýelsizdik urpaqtary» grantyna jas shekteýine baılanysty qatysa almaǵan talantty jastarymyzǵa múmkindik berildi», dedi D.Qydyráli.