Argentına quramasy Horvatııany 3:0 esebimen jeńip, Katarda ótip jatqan álem chempıonatynyń fınalyna shyqty, dep habarlaıdy Egemen.kz.
Shabýylshy Lıonel Messı 34-mınýtta penaltıde esep ashty. Messı úshin bul gol onyń mansabyndaǵy álem chempıonattaryndaǵy 11-shi goly boldy. Ol Gabrıel Batıstýtany basyp ozyp, týrnırde gol soǵý boıynsha ulttyq quramanyń jańa rekordyn ornatty.
2022 jylǵy álem chempıonatynyń fınalynda Argentına quramasy sársenbi, 14 jeltoqsanda ótetin Fransııa – Marokko kezdesýiniń jeńimpazymen oınaıdy.
Katardaǵy týrnırdiń fınaly 18 jeltoqsanda Lýsaıl stadıonynda ótedi. Úshinshi oryn úshin match 17 jeltoqsanda Halıfa Arenada ótedi.