Búgin WhatsApp messendjeriniń «Kókshetaý ekskavatorlary» chatynda Kókshetaý qalasynyń 39 jastaǵy turǵyny jer qazý jumystary kezinde tabylǵan mınalardyń sýretterin jarııalaǵan, dep habarlaıdy Egemen.kz IIM-ge silteme jasap.
Polısııa qyzmetkerlerine ekskavator júrgizýshisi oblys ortalyǵynyń aýmaǵyndaǵy qurylys ýchaskesinde jer qazý kezinde gıdromolotpen 6 dana kóleminde tot basqan mınalardy qazyp shyǵarǵanyn aıtty.
Qazirgi ýaqytta tabylǵan zattardy polısııa tárkilegen. Saraptama taǵaıyndaldy. Aldyn ala jasalǵan boljam boıynsha, II dúnıejúzilik soǵys jyldarynda «qupııa» degen belgimen Kókshetaý qalasynyń aýmaǵyna áskerı zaýyt evakýasııalanǵan.