BUU-da jıyrma jyl jumys istegen amerıkalyq aktrısa Andjelına Djolı Bosqyndar isi jónindegi Joǵarǵy komıssar basqarmasynyń (BUU BJKB) arnaıy ókili qyzmetinen ketedi, dep habarlaıdy Egemen.kz.
«Búkil álem boıynsha kúshtep qonys aýdarylǵan adamdardyń quqyqtaryn qorǵaıtyn komıssııadaǵy 20 jyldan astam adal jumysynan keıin Andjelına Djolı BUU BJKB arnaıy ókili retindegi qyzmetin aıaqtaıdy», dep jazylǵan uıymnyń veb-saıtynda jarııalanǵan málimdemede.
«Biz oǵan uzaq jyldar boıy atqarǵan eńbegi úshin alǵys aıtamyz», dedi Birikken Ulttar Uıymynyń bosqyndar isteri jónindegi Joǵarǵy komıssary Fılıppo Grandı.
Aktrısa 2001 jyldan beri BUU BJKB-de jumys istep keledi. Al 2012 jyly ol uıymnyń arnaıy ókili bolyp taǵaıyndaldy.
Aıta keteıik, málimdemede aktrısanyń BUU qyzmetkerlerimen birge Iemen men Býrkına-Fasony qosa alǵanda, 60-tan astam dala mıssııasyn oryndaǵany aıtylǵan.