Astanadaǵy Ulttyq akademııalyq kitaphanada aqyn, jýrnalıst Aıgúl Seıildiń «Oı-kerýen» atty kitabynyń tanystyrylymy ótti.
Mádenıet jáne sport mınıstrliginiń «Ádebıettiń áleýmettik mańyzdy túrlerin satyp alý, basyp shyǵarý jáne taratý» baǵdarlamasy aıasynda jaryq kórgen bul kitapqa Aıgúl Seıildiń ár jyldary «Egemen Qazaqstan», «Qazaq ádebıeti», «Jas Alash», «Jas qazaq» syndy respýblıkalyq merzimdi basylymdarda jarııalanǵan tanymdyq máni tereń, oqyrmanǵa oı salatyn dúnıeleri engizilgen.
Kitaptyń tanystyrylymyna zııaly qaýym ókilderi, qalamgerdiń áriptesteri, oqyrmandary, jastar qatysyp, Aıgúl Seıildiń shyǵarmashylyǵy jóninde jyly lebizderin bildirdi.
«Bul kitapqa salmaqty, qundy dúnıeler engizilipti. Mundaǵy ádebı zertteýler jınaqy jazylǵan. Aıgúl Seıil osy kitap arqyly jýrnalıstıkanyń júgin arqalaı júrip, óziniń shyǵarmashylyq áleýetin kórsete bilgen. Aıgúlge shyǵarmashylyq tabys tileımin», dedi Qazaqstan jazýshylar odaǵynyń Astanadaǵy fılıalynyń tóraǵasy, aqyn Dáýletkereı Kápuly.