Ulttyq statıstıka bıýrosynyń málimetterine qaraǵanda, elde úsh aýysymdyq oqytý rejımin ustanatyn mektepter sany aıtarlyqtaı ósken, dep habarlaıdy Egemen.kz.
2021-2022 oqý jylynda Qazaqstanda 169 úsh aýysymdy mektep jumys istedi. Bul ótken jylmen salystyrǵanda 5,6% - ǵa kóp (160 mektep). Úsh jyl ishinde mundaı mektepterdiń sany birden 32% - ǵa ósti.
Búgingi tańda úsh aýysymdy mektepterde 291,1 myń oqýshy oqıdy, bul ótken jylmen salystyrǵanda 4,9%-ǵa kóp.
Ranking.kz derekterine sáıkes, óńirlik bóliniste eń kóp úsh aýysymdy mektepter Almatyda (59 mektep), sondaı-aq Mańǵystaý (18 mektep), Atyraý (17 mektep), Túrkistan (15 mektep) jáne Pavlodar (10 mektep) oblystarynda baıqalady.
19 tamyzda Premer-Mınıstrdiń orynbasary Eraly Toǵjanov óńirlerdiń barlyq ákimderine úsh aýysymdy jáne apatty mektepterdi tolyǵymen joıýdy tapsyrǵan edi.