Elimizde mass-medıa qarqyndy damyp, jahandyq úderistermen qatar júrip jatyr. Sondyqtan otandyq BAQ-tyń damý baǵytyn aıqyndap, Tujyrymdama jasaý kún tártibinen týyndap otyrǵan qajettilik. Aqparat – ıdeıalar aǵyny. Sát saıyn Qazaqstannyń aqparat naryǵynda úlken ózgerister bolyp jatyr. Qazirgi kezde aqparat qoǵamǵa áser etetin úlken kúshke aınaldy. Búginde ýaqyt talabyna saı tyń ıdeıa men tujyrym kerek. Bul rette, aqparattyq doktrınanyń bekitilýi elimizdiń medıa salasyna tyń ózgerister ákeledi dep senemin.
HHI ǵasyrdaǵy aqparattyq dáýirdegi, ınternet zamanyndaǵy tehnogendik, tehnologııalyq qaýipterge daıyn bolatyn jańa múmkindikter men kásibı mamandardy daıarlaý mańyzdy. Elimizde aqparattyq doktrınadan bólek, BAQ týraly zań jobasy ázirlenip jatqany belgili. Bul medıa salasynyń qoǵamdaǵy róli mańyzdy ekenin aıqyndaıdy.
Álemdegi sońǵy tendensııalarǵa saı aqparattyq soǵysta kim jeńe alady, jeńis te, yqpal da, qoǵamdyq pikir de sonyń jaǵynda bolmaqshy. «Gıbrıdtik soǵys» degen jańa termın paıda boldy. Osyny eskeretin bolsaq, birinshiden, bizdiń aqparatymyz ózimizdiń naryǵymyzdy túgeldeı qamtamasyz ete alatyn naryq bolýy kerek. Sol sebepti aqparattyq keńistigimizdi nyǵaıtamyz desek, birinshiden, otandyq aqparat óz naryǵymyz ben ishki suranysty túgeldeı qamtamasyz etýi kerek. Ekinshiden, álemge shyǵa alatyn deńgeıge kóterilýi aýadaı qajet. Sonda ǵana, biz aqparattyq turǵydan álemge jaqyndaı túsemiz.
Marat Báshimov,
Sybaılas jemqorlyqqa qarsy is-qımyl agenttigi qoǵamdyq keńesiniń tóraǵasy