AQSh pen Kanadada qatty daýyl saldarynan kem degende 50 adam qaza tapty, dep habarlaıdy Egemen.kz.
Jergilikti BAQ-tyń habarlaýynsha, AQSh-ta daýyl 46 adamnyń ómirin qıdy. Kanadanyń Brıtandyq Kolýmbııa provınsııasynda avtobýs kóktaıǵaq jolda aýdarylyp, taǵy tórt adam qaza tapty.
AQSh-ta qaza tapqandardyń 18-i Nıý-Iork shtatyndaǵy Býffalo qalasynyń turǵyndary. О́ńirdegi daýyldyń qurbandary kólikte qalǵan adamdar boldy.
Ulttyq aýa raıy qyzmeti 25 jeltoqsanda Býffalo áýejaıynda 1,2 metrge jýyq qar jaýǵanyn habarlady.
Demalys kúnderi Nıý-Iork gýbernatory Ketı Hochýl shtattyń kóptegen jedel járdem kólikteri men órt sóndirý kólikteri qar astynda qalyp qoıǵanyn aıtty.
Býffalo polısııa departamenti qarda júretin kólik ıelerine izdeý-qutqarý jumystary boıynsha kómek surap, onlaın úndeý jarııalady.
AQSh-ta 1,8 mıllıonǵa jýyq úı jaryqsyz qaldy, myńdaǵan reıster toqtatylyp, keshiktirildi. Kanadada kem degende 140 000 úı elektr qýatynsyz qaldy.