Astana máslıhaty jańa besinshi aýdannyń ataýyn bekitti. Elordanyń sol jaǵalaýyndaǵy jańa aýdanǵa «Nura» ataýy berildi, dep habarlaıdy Egemen.kz.
Astana qalasynyń tilderdi damytý jáne arhıv isi basqarmasynyń basshysy Sáken Esirkep 2022 jyldyń 1 jeltoqsanynda onomastıka komıssııasynyń kezekti otyrysy ótkenin eske salyp, onda jańa aýdan qurý jáne oǵan ataý berý týraly másele qaraldy.
«О́zderińiz biletindeı, Astanada besinshi aýdan qurý týraly másele kópten beri kóterilip keledi. Bul másele paıda bolǵannan beri zııaly qaýym ókilderimen ǵalymdar jańa aýdanǵa qandaı ataý tańdaý kerektigin uzaq talqylady. Biz eldiń tarıhy men geografııasyna qatysty ataýlardy qarastyrdyq. Nátıjesinde onomastıkalyq komıssııanyń kún tártibinde eki ataý usynyldy. Onyń biri - «Nura». О́zderińiz biletindeı bul Qaraǵandy jáne Aqmola oblystarynyń aýmaǵynda aǵyp jatqan ózen», dep túsindirdi Sáken Esirkep.