Memleket basshysy Qasym-Jomart Toqaev dańqty fýtbolshy, úsh dúrkin álem chempıony Peleniń qaıtys bolýyna baılanysty Brazılııa Prezıdenti Jaır Bolsonarýǵa kóńil aıtý jedelhatyn joldady, dep habarlaıdy Egemen.kz.
Prezıdent fýtbol tarıhyndaǵy uly sportshylardyń biri retinde onyń fýtboldy búkil álemge tanytýǵa zor úles qosqanyn atap ótti.
«Memleket basshysynyń aıtýynsha, Pele árqashan fýtbolǵa degen adaldyqtyń sımvoly ári jankúıerlerdiń súıikti fýtbolshysy boldy jáne solaı bolyp qala beredi. Sondaı-aq ol sporttyń osy túrin eń joǵary deńgeıge kóterdi», delingen Prezıdenttiń baspasóz qyzmeti taratqan habarlamada.