1 qańtarda birqatar óńirde aýa raıyna baılanysty eskertý jarııalandy, dep habarlaıdy Egemen.kz.
Sınoptıkter málimetinshe, Qyzylorda oblysynyń soltústiginde, ortalyǵynda tuman, kóktaıǵaq bolady. Jel ońtústikten soǵady, tańerteń jáne kúndiz oblystyń soltústiginde, ortalyǵynda jeldiń jyldamdyǵy 15-20 m/s jetedi.
Shyǵys Qazaqstan oblysynyń soltústik-shyǵysynda qatty qar kútiledi. Oblystyń basym bóliginde burqasyn bolady. Jel ońtústik-shyǵystan, ońtústikten soǵady, oblystyń soltústiginde, batysynda ekpini 15-20 m/s jyldamdyqpen soǵady.
Abaı oblysynyń basym bóliginde burqasyn kútiledi. Jel ońtústikten, ońtústik-batystan soǵady, oblystyń batysynda, ońtústiginde, ortalyǵynda ekpini 15-20 m/s.
Jetisý oblysynyń shyǵysy men taýly aýdandarynda qalyń qar kútiledi. Túnde jáne tańerteń oblystyń taýly aımaqtarynda tuman, kóktaıǵaq bolady.
Almaty oblysynyń ońtústiginde, taýly aýdandarynda tuman, kóktaıǵaq kútiledi. Almaty qalasynda túnde jáne tańerteń tuman, kóktaıǵaq bolady.
Qaraǵandy oblysynyń soltústiginde, shyǵysynda jaıaý burqasyn soǵady. Ońtústik-batystan jel soǵady, oblystyń soltústiginde, shyǵysynda soqqan jeldiń jyldamdyǵy15-20 m/s jetedi.
Ulytaý oblysynyń basym bóliginde burqasyn kútiledi. Ońtústik-batystan jel soǵady, oblystyń shyǵysynda ekpini 15-20 m/s kútiledi.
Túrkistan oblysynyń ońtústiginde, taýly jáne taý bókterli aýdandarynda tuman, kóktaıǵaq kútiledi. Shyǵystan soǵatyn jel ońtústik-batysqa aýysady, taý asýlarynda kúshi 15-20 m/s.
Shymkent qalasynda keı ýaqytta tuman, kóktaıǵaq bolady.
Aqtóbe oblysynyń ońtústiginde burqasyn, oblystyń soltústiginde, batysynda tuman, kóktaıǵaq kútiledi.
Pavlodar oblysynyń basym bóliginde burqasyn bolady. Ońtústik-batystan jel soǵady, oblystyń batysynda, soltústiginde ekpini 15-20 m/s jetedi.
Mańǵystaý oblysynyń soltústiginde, ortalyǵynda tuman, kóktaıǵaq kútiledi. Ońtústik-batystan soǵatyn jel soltústik-batysqa aýysady, oblystyń soltústiginde, shyǵysynda jel 15-20 m/s jyldamdyqpen soǵady.
Qostanaı oblysynyń ońtústiginde, shyǵysynda jaıaý burqasyn kútiledi. Oblystyń soltústiginde, batysynda tuman. Soltústik-batystan soǵatyn jel ońtústik-shyǵysqa aýysady, kúshi kúndiz oblystyń ońtústiginde, shyǵysynda 15-20, ekpini 23 m/s.
Batys Qazaqstan oblysynyń soltústiginde, shyǵysynda, kóktaıǵaq, tuman túsedi.
Aqmola oblysynyń shyǵysynda jaıaý burqasyn kútiledi. Ońtústik-batystan jel soǵady, túnde oblystyń shyǵysynda 15-20 m/s jetedi.