3 qańtarda UQK men IIM Reseılik Federaldyq qaýipsizdik qyzmeti jáne IIM-men birge Baıqońyr qalasynda quramyna Qazaqstan jáne Reseı azamattary kirgen qoǵamǵa qaýipti uıymdasqan qylmystyq toptyń jolyn kesý boıynsha birlesken arnaıy operasııany iske asyrdy, dep habarlaıdy Egemen.kz.
Komıtet málimetinshe, bir ýaqytta Astana, Qyzylorda jáne Qonaev qalalarynda atalǵan toptyń kómekshileri ustaldy.
Jalpy arnaıy operasııa barsynda uıymdasqan qylmystyq toptyń 18 basshysy men belsendi músheleri ustaldy.
Olardyń turǵylyqty jerleri boıynsha atys qarýy, aqshalaı qarjy jáne tergeý úshin qyzyǵýshylyq týdyratyn ózge de materıaldar alyndy.
Qylmystyq toptyń adam urlaýǵa, bopsalaýǵa, qarýmen qaraqshylyq shabýyldaý jáne urlyqqa qatystylyǵy bary anyqtaldy. Qylmystyq elementter uzaq ýaqyt boıy Baıqońyr qalasy jáne Qyzylorda oblysyndaǵy qylmystyq ahýalǵa keri áser etip kelip, aýyr jáne asa aýyr qylmystardy jasaýda qatygezdikterimen erekshelengen.
Mysaly, 2022 jylǵy qyrkúıekte qylmystyq toptyń qatysýshylary arasyndaǵy qarýly qaqtyǵys saldarynan kósheden ótip bara jatqan beıbit adam oq jaraqatyn alyp, oqıǵa ornynda kóz jumǵan.
UQK qyzmetkerleri arnaıy operasııany prokýratýramen kelise otyryp, jedel-izdeý jáne tehnıkalyq is-sharalardyń keshenin júrgizý arqyly kóp aılar boıy tyńǵylyqty ázirlep kelgen.
Qazir sot aldy tergeý aıasynda ustalǵandardyń ózge de qylmystarǵa qatystylyǵy tekserilip jatyr.