Qaraǵandy oblysynda jańa týǵan balany jedel járdem dárigerleri ǵana emes, Tótenshe jaǵdaılar departamentiniń qyzmetkerleri de qutqarýǵa májbúr boldy, dep habarlaıdy Egemen.kz QR TJM baspasóz qyzmetine silteme jasap.
5 qańtar kúni saǵat 00:03-te Dýbovka kentinen 2 km qashyqtyqta jedel járdem qyzmetiniń kóligi jol apatyna ushyrady. Oqıǵa ornyna jetken qutqarýshylar jedel járdem kóliginde О́JJ apparatyna qosylǵan náresteni anyqtap, ony arnaıy tehnıkasyz evakýasııalaý múmkin emes ekenin ańǵardy.
Kıývetke shyǵyp ketken kólikti jolǵa shyǵarýǵa múmkindik bolmady, sebebi ol joldan 20 metrden astam qashyqtyqta bolǵan. Jedel járdem júrgizýshisiniń aıtýynsha, jolda otyn taýsylyp, jaǵdaı jedel sheshimderdi qajet etti.
Qutqarýshylar jedel áreket etip, zardap shekken dárigerlerge janarmaı men jyly zattar jetkizip úlgerdi. Al sábıdi Qaraǵandy qalasynan kelgen basqa jedel járdem kóligine aýystyrý qajet boldy. Bul rette qutqarýshylar joldy dereý tazarta bastady. Dárigerlerdiń aıtýynsha, balany О́JJ apparatynsyz 30 sekýndtan artyq ustaýǵa bolmaıdy. Qyzmetkerlerdiń úılesimdi jáne ýaqtyly is-qımyldarynyń arqasynda bala jedel járdem kóligine jetkizilip, odan ári oblys ortalyǵyna jatqyzyldy.