Brazılııanyń burynǵy prezıdenti Djeır Bolsonaro Amerıka Qurama Shtattarynda aýrýhanaǵa jatqyzyldy, dep habarlaıdy Egemen.kz.
Bul týraly saıasatkerdiń áıeli Mıshel Bolsonaro Instagram paraqshasynda málimdedi.
Onyń aıtýynsha, qazir eks-prezıdent Orlandodaǵy (Florıda) AdventHealth Celebration aýrýhanasynda jatyr.
Ol Bolsonaronyń qatty aýyrǵannan keıin aýrýhanaǵa jetkizilgenin baıandady.
Mıshel Bolsonaronyń aıtýynsha, burynǵy memleket basshysy 2018 jylǵy saılaý mıtıngisinde ózine jasalǵan qastandyqtan keıin densaýlyǵyna shaǵymdana bastaǵanyn túsindirdi. Ol kezde qaskóı onyń ishine pyshaq suǵyp alǵan. Oqıǵa saldarynan Djeır Bolsonaronyń asqazanyna aýyr zaqym keldi, tipti birneshe ota jasalǵan edi.
Buǵan deıin Brazılııanyń burynǵy prezıdenti Jaır Bolsonaronyń júzdegen jaqtastary polısııa qorshaýyn buzyp ótip, eldiń Ulttyq kongresiniń ǵımaratyna basyp kirgen.
Jergilikti aqparat quraldarynyń habarlaýynsha, polısııa narazylyq bildirýshilerge kózden jas aǵyzatyn gaz qoldanǵan.
Bolsonaronyń jaqtastary áskerılerden saılaýda jeńiske jetken Lýıs Inasıo Lýla da Sılvanyń bılikke kelýine jol bermeýdi talap etti.