Elimizdegi mektepterde keıbir synyptardyń qazaq tilin bilý deńgeıi tekseriletin emtıhan engiziledi, dep habarlaıdy Egemen.kz.
Oqý-aǵartý mınıstrligi buıryǵynyń jobasy 3 aqpanǵa deıin jalǵasatyn qoǵamdyq talqylaýǵa shyǵarylǵan.
«2023-2024 oqý jylynan bastap negizgi orta (5-8-synyptar), jalpy orta (10-synyp) bilim deńgeıinde akademııalyq jyldy aıaqtaǵan kezde qazaq tilinde oqytatyn mektepterde «Qazaq tili» páni boıynsha jáne qazaq tilinde oqytpaıtyn mektepterde «Qazaq tili men ádebıeti» páni boıynsha emtıhan engiziledi», delingen buıryq jobasynda.
Buıryqta bul jańashyldyq memlekettik tildiń mártebesin arttyrý maqsatynda «Qazaqstan Respýblıkasyndaǵy til saıasatyn iske asyrýdyń 2020-2025 jyldarǵa arnalǵan memlekettik baǵdarlamasyn bekitý týraly» Úkimet qaýlysyn oryndaý úshin engizilgeni aıtylǵan.