Elordadaǵy áýejaıda Astana-Shymkent baǵytyndaǵy reıstiń jolaýshysy qaýipsizdik erejelerine baǵynbaǵany úshin ushaqtan túsirildi, dep habarlaıdy Egemen.kz.
Astana áýejaıyndaǵy jelilik polısııa bólimine 27 qańtarda Qazaq Air áýekompanııasynyń ókilderinen Astana-Shymkent baǵytyndaǵy reıstiń jolaýshysyna qatysty shara qabyldaý týraly habarlama túsken. Quqyqbuzýshy akt boıynsha kólik polıseılerine berildi.
Tekserý barysynda polıseıler masań kúıinde bolǵan jáne ushaq bortyndaǵy qaýipsizdik erejelerine baǵynbaǵan Shymkent qalasynyń 55 jastaǵy turǵynyn anyqtady. Medısınalyq kýálandyrýdyń qorytyndysyna sáıkes, ol «jeńil dárejeli» alkogoldik masań kúıinde bolǵan.
Er adamǵa qatysty polısııa qyzmetkerleri QR ÁQBtK-niń 440-baby 1-bóligi (alkogoldik ishimdikter ishý nemese qoǵamdyq oryndarǵa masań kúıinde kelý), QR ÁQBtK-niń 566-baby 1-bóligi (áýe kemesinde minez-qulyq qaǵıdalaryn buzý) boıynsha eki ákimshilik hattama toltyrylyp, 8 aılyq eseptik kórsetkish (27 600 teńge) mólsherinde aıyppul saldy.