Aqsý óńirinde reıdtik is-sharalar kezinde er adamnan zańsyz myltyqtar tárkilendi, dep habarlaıdy Egemen.kz.
«27 qańtarda Kamzın kóshesinde turatyn úı ıesinde atys qarýyn saqtaý erejelerin buzý faktisi anyqtaldy. Qarýdy saqtaýǵa arnalǵan seıfte qala turǵyny bógde zattardy da saqtaǵan. Er adamǵa qatysty QR ÁQBtK-niń 484-baby 1-bóligi boıynsha ákimshilik hattama toltyryldy», dedi Pavlodar oblysy Aqsý qalasy polısııa bólimi bastyǵynyń birinshi orynbasary Temirbek Shaýdyrov.
Onyń aıtýynsha, TOZ-34 jáne Mozberg markaly myltyqtary tárkilengen.
Barlyǵy eki kún reıdtik is-sharalardy ótkizý barysynda polısııa qyzmetkerleri 58 quqyq buzýshylyqtyń jolyn kesti, barlyq quqyq buzýshylar jaýapqa tartyldy.